खबरमाला संवाददाता
‘मिस नेपाल नर्थ अमेरिका २०२४’को उपाधि अन्ना कोइरालाले जितेकी छन् । अमेरिकाको न्युयोर्कमा आयोजित फिनालेमा नर्थ क्यारोलिना राज्यबाट सहभागि कोईरालाले ताज पहिरिइन् । मेरिल्याण्डकी रुबी पौडेल उपविजेता र टेक्सासकी आदिश्री रेग्मी द्धितीय उपविजेता घोषित भएका छन । अमेरिका र क्यानडास्थित नेपाली समुदायबाट १८ जना फाइनलिस्टले उपाधिका लागि प्रतिस्पर्धा गरेका थिए ।
ड्रीम्स युनिभर्सल एलएलसीको आयोजनामा फिनाले मेलरोज बलरुममा सम्पन्न भएको हो । निर्णायकको भूमिकामा कलाकार अनुपविक्रम शाही, आँचल शर्मा, वर्षा राउत, उषा उप्रेती, माम्पी घोष चिकित्सक उदिप श्रेष्ठ, पूर्व मिस युनिभर्स नेपाल अनिश्का श्रेष्ठ, मोडलद्धय भावना कल्वानी र सागरिका श्रेष्ठ सन् २०२२ की मिस नेपाल नर्थ अमेरिकाकी बिजेता प्रतियुशा बोहरा थिए ।
