खबरमाला संवाददाता
भर्जिनियाबाट बेपत्ता नेपाली नर्स ममता काफ्लेका श्रीमान नरेश भट्टलाई अदालतले धरौटीमा रिहा गर्न अस्वीकार गरेको समाचार छ । धरौटीमा रिहा गर्ने नगर्ने फैसला गर्न उनलाई सोमबार बिहान अदालतमा पेश गरिएको थियो । अदालतमा पेश गर्नुपुर्व नै नेपाली तथा स्थानीय व्यक्तिहरुले अदालत वरपर दवावमुलक शान्तिपुर्ण धर्ना दिएका थिए ।
न्यायाधीशले नरेश भट्ट भाग्नसक्ने जोखिममा रहेको र समुदायका लागि खतरा भएको विश्वास गर्दै धरौटीमा रिहा गर्न अस्वीकार गरेको बताइएको छ । नरेशका वकिलले ममता फेला नपरेकाले यस मुद्दामा धरौटीविना राख्नुपर्ने कुनै सम्भावित कारण नभएको भन्दै तर्क गर्न खोजे पनि अदालतले धरौटीमा रिहा गर्न अस्वीकार गरेको हो । नरेश भाग्न सक्ने संभावना तथा उनिबाट समुदायलाई खतरा भएको न्यायधिशले ठहर गर्दै उनलाई तत्काल धरौटीमा छाड्न अस्वीकार गरिएको बताएको छ । साथै अपराधको वास्ताविक अवस्था पनि कन्र्फम भएको छैन । अर्को तारिक अक्टोबरमा ताकिएको छ ।
