खबरमाला संवाददाता
प्रधानमन्त्री केपी शर्मा ओली र अमेरिकी राष्ट्रपति जो बाइडेनबीच औपचारिक भेटवार्ता भएको छ । अमेरिकी राष्ट्रपति बाइडेन र प्रथम महिला जिल बाइडेनले राष्ट्रप्रमुखहरुका लागि आयोजना गर्ने रिसेप्सन पार्टीमा प्रधानमन्त्री केपी शर्मा ओली र प्रधानमन्त्री पत्नी राधिका शाक्य सहभागी भएका हुन् । प्रधानमन्त्री ओली र राष्ट्रपति बाईडनबीच सामान्य औपचारिकता बाहेक कुराकानी गर्न भने समय नमिलेको बताईन्छ ।
संयुक्त राष्ट्रसंघ महासभाका बेलामा अमेरिकी राष्ट्रपतिले राष्ट्रप्रमुखहरुका लागि रिसेप्सेन पार्टीको आयोजना गर्ने प्रचलन अनुसार विभिन्न देशका राष्ट्रप्रमुख दम्पत्ति र अमेरिकी राष्ट्रपति दम्पत्तिको फोटो सेसन हुने गर्छ । यो रिसेप्सनमा नेपालका प्रधानमन्त्री ओलीलाई मात्र नभएर सबै देशका राष्ट्रप्रमुखहरुलाई निम्ता दिएर औपचारिक आई हेलो गर्दै फोटो खिचाईने कार्यक्रम तय गरिएको हुन्छ ।
