खबरमाला संवाददाता
ब्राजिलमा सयौ अबैध आप्रबासी अलपत्र परेपछि ब्राजिल सरकारले नेपालीलाई शरण नदिने नीति ल्याएको छन । जसका कारण साउपाउलो एयरपोर्टमा अलपत्र १ सय ७६ जना नेपाली स्वदेश फर्काउने भएका छन । नयाँ नीतिमा ब्राजिलमा रहेको नेपाली दूतावासले हालै नेपालसहितका केही देशका राहदानीवाहकलाई प्रवेशाज्ञा लिएर मात्रै ब्रजिल प्रवेशको अनुमति दिने नियम आएको र नेपालीलाई उक्त देशले शरण नदिने नीति ल्याएको हो ।
सोमबारबाट लागु भएको नीतिमा अब उप्रान्त नेपाली आगन्तुकले ब्राजिल भएर सीधै गन्तव्य मुलुकतर्फ उड्न पाउने, र त्यसरी नगएमा सोही विमानमार्फत् फिर्ता पठाइने तर विमानस्थलमा शरणार्थीको मान्यता नदिइने जनाइएको छ,” ब्रजिलको नयाँ नियमबारे नेपाली दूतावासको विज्ञप्तिमा भनिएको छ । यससँगै ब्रजिलको सबैभन्दा प्रमुख अन्तर्राष्ट्रिय विमानस्थल साओ पाउलोस्थित ‘गुहारुल्युस’मा अलपत्र परेका १७६ जना नेपालीहरूलाई स्वदेश फर्काउने पहल भइरहेको बताइएको छ । कहिले सम्म कसरी फर्काईन्छ त्यो भने आगामी दिनमा थाहा हुनेछ । यति हो ब्राजिलले आफ्नो भुमि भएर अर्कोदेशमा जान विना भिषा स्वीकृति दिंदैन । त्यसैले अबको दिनमा सोही बाटो भएर अमेरिका जान खोज्नेहरुका लागि निकै कठिन हुनेछ ।
नेपाली दुतावासद्धारा अगष्ट २७ तारिक जारी विज्ञप्ति जस्ताको तस्तैः
ब्राजिल ट्रान्जिट हुँदै तेश्रो मुलुक जान चाहने नेपाली यात्रीका लागि नयाँ नियम सम्बन्धमा
हालै ब्राजिलको साउपाउलो बिमानास्थलको ट्रान्जिट इलाकामा नेपाली सहित करिब ७०० विदेशीहरू रोकिएको भन्ने समाचार प्रति यस दूतावासको ध्यानाकर्षण भएको छ । ट्रान्जिटमा रहेका सबै १७६ जना नेपाली नागरिकहरु सकुशल रहेका छन् र आवश्यकता अनुसार निजहरुलाई मानवीय सहायता पुर्याउन दूतावास तयारी अवस्थामा रहेको छ । दक्षिण अमेरिकाका ब्राजिल लगायतका मुलुक हुँदै अवैध रुपमा संयुक्त राज्य अमेरिका प्रवेश गर्ने उद्देस्यले विभिन्न स्थानबाट दक्षिण अमेरिकी मुलुकहरुमा आउने प्रवृत्ति बढ्दो छ । संगठित रुपमा संचालित मानव तस्करहरुको प्रलोभन र उक्साहटमा परी नेपालबाट समेत युवाहरु यस क्षेत्रमा आउने गरेको जानकारी बेलाबेलामा हुने गरेको छ । कयौँले अकल्पनीय पीडा व्यहोर्नुका साथै ठूलो धनराशी खर्च गर्नुपर्ने परिस्थितमा फस्न पुगेको पाइएको छ ।
यसै बीच ब्राजिल सरकारले तत्काल लागू हुने गरी नेपाल लगायत केही देशका राहदानीबाहकलाई प्रवेशाज्ञा लिएको भएमा मात्र ब्राजिल प्रवेशको अनुमति दिने नियम ल्याएको छ । अब उप्रान्त नेपाली आगन्तुकले ब्राजिल भएर सिधै गन्तब्य मुलुकतर्फ उड्न पाउने, र त्यसरी नगएमा सोही विमानमार्फत् फिर्ता पठाइने तर विमानस्थलमा शरणार्थीको मान्यता नदिइने जनाइएको छ । मानव तस्करहरुको संजाल प्रयोग गरी गरिने यस प्रकारको यात्रा अवैध, जोखिमपूर्ण र अनिश्चित हुने समेत सन्दर्भमा जायज कारण भएमा सो पुष्टि गर्ने कागजात र प्रवेशाज्ञा लिई मात्र ब्राजिल वा ब्राजिल हुँदै अन्य मुलुकको भ्रमणमा निस्कनुहुन सम्बन्धित सबैमा अनुरोध गरिन्छ ।
कहिले सम्म कसरी फर्काईन्छ त्यो भने आगामी दिनमा थाहा हुनेछ । यति हो ब्राजिलले आफ्नो भुमि भएर अर्कोदेशमा जान विना भिषा स्वीकृति दिंदैन । त्यसैले अबको दिनमा सोही बाटो भएर अमेरिका जान खोज्नेहरुका लागि निकै कठिन हुनेछ ।
