Newyork Time 10:20 am
July 18, 2024, Thursday
२०८१ श्रावण ३

साँढे पाँच लाख आप्रबासीलाई नागरिकता दिने राष्ट्रपति बाईडेनको घोषणा

२०८१ असार ६
Read Time : < 1 मिनेट
खबरमाला संवाददाता

565

 

अमेरिकी चुनाव नजिकिंदै गर्दा आफ्नो पक्षमा चुनावी नतिजा हात पार्न यहाँका राजनीतिक नेतृत्व त्यसमा पनि राष्ट्रपतिका उम्मेदवारद्धय राष्ट्रपति जो बाईडेन र पुर्व राष्ट्रपति डोनाल्ड ट्रम्प कम्मर कसेर लागेका छन । त्यसैको फलस्वरुप राष्ट्रपति बाईडेनले हरेकहप्ता जस्तो नयाँ नयाँ कार्यक्रमहरु सार्वजनिक गरी रहेका छन । त्यसैलाई निरन्तरता दिँदै बाइडेनले मंगलबार एक व्यापक आप्रवासनसंग सम्बन्धित नयाँ नीति घोषणा गरे । यो घोषित नीति अनुसार ५ लाख कागजपत्रविहिनलाई अन्ततः अमेरिकी नागरिकता प्राप्त गर्ने बाटो खोल्नेछ । कार्यक्रमले कानुनी हैसियत नभएका अमेरिकी नागरिकका केही दम्पत्तिहरूलाई स्थायी बसोबास र नागरिकताको लागि आवेदन दिन बाटो खुल्ने छ । यो कदमको अमेरिका व्यापक बिरोध भईरहेको छ । चुनावको मुखमा भएको भन्दै रिपव्लिकन पाटीले विरोध गरेका हुन ।
आप्रवासीले सन् २०२४ को जुन १७ अगाडि १० वर्षसम्म अमेरिकामा बसेको र अमेरिकी नागरिकसँग विवाह गरेको प्रमाण पेश गरेमा योग्य आप्रवासीको आवेदन स्वीकृत भएमा अमेरिका नछाडिकनै ग्रीन कार्ड पाउनेछन । आवेदन दिन र अस्थायी वर्क परमिट प्राप्त गर्न तीन वर्षको समय पाउने र यसै बीचमा देश निकालाको प्रक्रियाबाट पनि बच्न सकिने उल्लेख छ ।
त्यसरी अमेरिकी नागरिकसँग विवाह गरेको अभिभावकका ५० हजार भन्दा बढी गैरनागरिक बच्चाहरूले पनि यो घोषणाबाट लाभ दिनेछन । त्यो प्रक्रियामा कसरी सहभागी हुने भन्न्े विषयमा गहृकार्य भईरहेकोले कसरी निवेदन कहाँ दिने र त्यसबाट लाभ कसरी लिने भन्ने विषयमा सेप्टेम्बरसम्म आवेदन खुल्ला गरिने बताइएको छ ।
१० दिनको बीचमा राष्ट्रपति बाइडेनको यो दोश्रो ईमिग्रेसन सम्बन्धि घोषणा हो । यो घोषणाले अमेरिकी नागरिकका गैरनागरिक दम्पत्ति र बच्चाहरूलाई परिवारसंग पुर्नमिलन गराउने छ । राष्ट्रपति बाइडेनले गैरकानूनी रूपमा सीमा पार गर्ने आप्रवासीहरूलाई शरण खोज्नबाट प्रतिबन्ध लगाउने कार्यकारी आदेश घोषणा गरेपछि यो कदम आएको हो । राष्ट्रपति बाईडेनको यो घोषणाबाट अमेरिकामा ५ पती पत्नी र ५० हजार बच्चाहरुका लागि यो घोषणाले लाभ लिने आशा ह्वाईट हाउसले गरेको जनाइएको छ ।