सामान्य गल्तीमा आप्रवासी डिर्पोट गर्ने कानुन अमेरिकी संसदबाट पारित

यसैपनि अबैध आप्रवासीका लागि अबको दिन कठिन थियो त्यसमा पनि आप्रवासीले गर्ने सानो तिनो गल्तीको कारण डिर्पोट हुनसक्ने कानुन अमेरिकी संसदबाट पास भएको छ । एक जना गैरकानुनी आप्रवासीले अमेरिकी नागरिकको हत्या गरेको विषयमा अमेरिकी संसदमा पुगेको यो विधेयक रिपव्लिकन र डेमोक्र्याट सांसदहरुको बहुमतद्धारा पास भएको हो । राष्ट्रपति डोनाल्ड ट्रम्पको आगमन हुँदै गर्दा त्रासमा रहेका आप्रवासीका लागि यो कानुन निकै अनुदार हो । अमेरिकी संसदबाट यो बील पारित भएपछि अहिंसात्मक अपराधको सानातिना अभियोग लगाइएका कागजातविहीन आप्रवासीहरूलाई देश निकाला गर्ने बाटो खुलेको छ ।

यो बीलमा मुख्य रुपमा दोषी ठहर भएका नभई अभियोग मात्र लगाइएका कागजातविहीनलाई समेत देशनिकाला गर्नसक्ने प्रावधान उल्लेख छ । यो बिलमा खासगरी चोरी, डकैती, लुटपाट वा गैरहिंसात्मकको आरोप लागेका कागजातविहीन आप्रवासीहरूलाई हिरासतमा राख्ने प्रष्ट प्रावधान छ ।

अझै महत्वपुर्ण कुरा त यो आप्रवासीप्रति अनुदार बिल पारित गर्न ४८ जना डेमोक्र्याट सांसदहरुले पनि रिपब्लिकनहरूलाई साथ दिएर बिलको पक्षमा २ सय ६४ र विपक्षमा १५९ मत खसेको थियो । यो बिल शुक्रबार रिपब्लिकन–नियन्त्रित सिनेटमा जान्छ जहाँ ५३ जना रिपव्लिकन सिनेटरहरुको बहुमत छ । सिनेटमा विधेयक अघि बढाउन ६० मत आवश्यक पर्नेछ । यसका लागि रिपब्लिकनहरूले आठ डेमोक्र्याट सिनेटरहरूको समर्थन जुटाउनुपर्नेछ । पेन्सिल्भेनियाका सिनेटर जोन फेटरम्यानले यो विधेयकका सह–प्रायोजकका रूपमा समर्थन जनाइसकेका छन् ।

गैरकानूनी रूपमा अमेरिका प्रवेश गरेको कुनै कागजातविहिन आप्रवासीले अमेरिकामा राज्य वा त्यहाँका बासिन्दाहरूलाई हानि पु¥याउने अपराध गरेमा राज्यका महान्यायाधिवक्ताहरूले मुद्दा हाल्ने अधिकारको व्यवस्थासमेत बिलमा छ ।, जहाँ यसलाई आगामी दिनहरूमा विचार गरिने अपेक्षा गरिएको छ ।

कसरी आयो यो आप्रवासीप्रति अनुदार बील ?

“लेकेन राइली एक्ट“ गत वर्ष जर्जिया विश्वविद्यालयकी २२ वर्षीय नर्सिङ विद्यार्थी, लेकेन राइलीको हत्या भएपछिको घटनासँग सम्बन्धित छ । यो बिल २२ वर्षीया नर्सिङ विद्यार्थी ल्याकेन रिलेको नाममा राखिएको छ, जो गत वर्ष जर्जियामा कागजातविहीन आप्रवासीद्वारा मारिएका थिए । बिलले रिलेको हत्याको लागि नोभेम्बरमा आजीवन कारावासको सजाय पाएका भेनेजुएलाका जोसे एन्टोनियो इबारा जस्ता मानिसहरूलाई लक्षित गर्ने लक्ष्य राखेको छ ।

उनलाई एक अवैध आप्रवासीले हत्या गरेको थियो । “लेकेन राइलीको हत्या एक असहनीय र भयावह अपराध मानिएपछि उसैको नाममा कानुन बन्ने छ । विधेयकले अमेरिकाको बिग्रिएको आप्रवासन प्रणालीलाई सुधार गर्न र यस प्रकारका अपराधहरू रोक्न अर्थपूर्ण कदम हुने सासदहरुले बताएका छन । लेकेन राइलीको हत्याको आरोपमा भेनेजुएलाका जोसे इबारालाई नोभेम्बरमा दोषी ठहर गरिएको थियो । उनलाई आजीवन कारावास सजाय सुनाइएको छ । अमेरिकी प्रतिनिधिसभाले मंगलबार “लेकेन राइली एक्ट“ स्वीकृत गरेको छ, जसले नयाँ कंग्रेसको पहिलो विधेयक पारित गरेको हो । यो विधेयक डोनाल्ड ट्रम्प र उनका रिपब्लिकनहरूले नोभेम्बरको चुनावमा आप्रवासनको विषयलाई प्राथमिकता दिँदै गरेको अभियानको निरन्तरता हो । अहिले आइसले साना स्तरका अपराध गर्नेहरु कागजातविहीनहरूलाई पक्राउ गर्न र निर्वासन गर्न असमर्थ रहेकाले अपराधीहरू झन् बढी रहेको भन्दै यसबाट समुदायहरू असुरक्षित बन्दै गएको जर्जियाका रिपब्लिकन सांसद माइक कोलिन्सले बताएका छन् ।