खबरमाला संवाददाता प्रवासमा बढ्दो नेपालीको सख्यासंगै घटनाहरु पनि बढेर गएका छन । केहि समय अघि अष्ट्रेलियामा हराएका नेपालीको मृत शरिर भेटियो । लगत्तै अमेरिकाबाट हराएका ममता काफ्लेको पनि हत्या भएको प्रहरीले जनाई सकेको छ भने फेरी अर्का एक विधार्थी क्यानडाबाट हराएको दुखद खबर छ । क्यानडास्थित नेपाली दुतावासले नेपाली विधार्थी हराएको र खोजवीनमा सघाउन आग्रह गरिरहेको छ । दूतावासका तर्फबाट टोरन्टो प्रहरीलाई औपचारिक पत्र लेख्दै कार्कीको खोजीमा तदारुकता देखाउन अनुरोध गरिएको नेपाली दुतावासले जनाएको छ । उनको स्थायी घर नेपालमा झापा रहेको जनाइएको छ ।
२ साता अघि क्यानडामा बेपत्ता कार्कीको अवस्था अझै अज्ञात छ । दूतावासले परराष्ट्र मन्त्रालय काठमाडौंलाई पनि सुचित गरिसकेको जानकारी दिएको छ । प्रहरीलाई अनुरोध गरिएको, खोजी कार्य जारी रहेको र समुदायका तर्फबाट पनि खोजीमा प्रयास भइरहेको विवरणसहित परराष्ट्र मन्त्रालयलाई जानकारी दिइएको बताइएको छ । उनको नेपालको झापास्थित परिवारले पनि खोजवीनका लागि अनुरोध गरिहेको छ । प्रजललाई अन्तिम पटक ओन्टारियो स्कारबोरोको वार्डन एभिन्यु र सेन्ट क्लेयर एभिन्यु ईष्ट वरपर देखिएको भन्दै गैरआवासिय नेपाली संघ क्यानडाले पनि खोजी तिबै पारेको छ ।
