खबरमाला संवाददाता पछिल्लो समय अमेरिकाको नेपाली समुदायले क्रमश विपत्तिको घटना व्यहोरिरहेको छ । जसमा फेरी अर्को दुखद खबर सार्वजनिक गर्न बाध्य भएको छ । अमेरिकाको टेक्सास स्टेटको ह्युस्टनमा एक अपार्टमेन्टमा नेपाली विद्यार्थीको गोली हानेर हत्या भएको समाचार छ । ह्युस्टन कम्यूनिटी कलेजमा अध्ययनरत नेपाली छात्राको गोली हानेर हत्या भएको हो ।गोली कसले के कारण किन गोली हानियो भन्ने खुल्न सकेको छैन प्रहरीले अनुसन्धान रहेको जानएको छ । मृतक विधार्थी भिसामा २०२१ मा अमेरिका आएको बताइएको छ ।
प्राप्त समचार अनुसार मृतक नेपाली विद्यार्थी ह्युस्टनको हिलक्रप्ट नजिकैको एक अपार्टमेन्टमा बस्दै आएकी थिइन् । प्रहरीले प्रारम्भिक अनुसन्धान पश्चात पोष्टमार्टमका लागि शव अस्पताललाई जिम्मा लगाएको बताइएको मृतकको नाम मुना पाण्डे हो । अपार्टमेन्टमा गोली कहाबाट आएको र कसले गरेको भन्ने विषयमा प्रहरीले कल डिटेल छानवीन गरी रहेको छ ।
सोमवार अपरान्ह अज्ञात नम्वरबाट अपार्टमेण्टमा फोन आएपछि अपार्टमेण्टका कर्मचारीले प्रहरीलाई खबर गरेको र प्रहरीले अपार्टमेण्टमा गोली लागेर मृत अवस्थामा रहेकी मुनालाई फेला पारेको हो। मृतकको नेपालमा रहेकी आमा र परिवारलाई घटनाका बारेमा स्थानीय नेपाली समुदायका तर्फबाट खबर गरिएको नेपाली एसोसिएसन अफ ह्युस्टनका उपाध्यक्ष द्रोण गौतमले जानकारी दिएका छन ।
