Newyork Time 10:22 am
July 18, 2024, Thursday
२०८१ श्रावण ३

प्रधानमन्त्रि दाहालले खुमल्टारमा सामान सार्न थाले, २८ गते निवास सर्ने

२०८१ असार २६
Read Time : < 1 मिनेट
खबरमाला संवाददाता

470

 

रातारात बनेको गठबन्धनका कारण अझै प्रधानमन्त्रि को होला भन्ने एकिन छैन, तर पनि प्रधानमन्त्रि पुष्पकमल दाहालले जस्तो सुकै चमत्कार भए पनि आफु निरन्तर नहुने निक्यौल गर्दै आफ्नो सामान पोको पादै खुमल्टारस्थित नीजि निवासमा सार्न थालेका छन । आखिर जो भए पनि केपी ओलाीवा शेरबहादुर देउवा मध्ये एक हुने हुन । समाचार श्रोतले दिएको जानकारी अनुसार हिजो आईतबार एक चरणमा केहि सामान सारिएको छ । प्रधानमन्त्री बन्नुअघि प्रचण्ड व्यापारी सारदाप्रसाद अधिकारीको खुमलटारस्थित निवासमा बस्दै आएका थिए । अब पनि उनि त्यहि फिर्ता हुन लागेका हुन । सामान के के थियो भन्ने प्रश्नमा श्रोतले भन्यो अरु के हुन्छ र उपहारहरु, आफ्ना नीजि सामान कपडा जस्ता सामान घर सफा गरेर सार्न थालिएको बताए । प्रधानमन्त्री दाहालले निजी निवास खुमलटार सर्नेगरी संसद्‌मा विश्वासको मत माग्नुअगावै तयारी थालेका हुन ।

विश्वासको मत नपाउने निश्चित भएपछि प्रधानमन्त्रि दाहालले ​असार २७ मा पत्नी सीता दाहालको स्मृति कार्यक्रम प्रधानमन्त्रि निवासमा नै सकेर २८ गते विश्वासको मतको कार्यक्रम पछि बालुवाटारबाट सर्ने योजना बनाएको श्रोतको दावी छ । प्रधानमन्त्री पत्नी सीताको २०८० असार २७ गते निधन भएकोले २७ गते स्मृति दिवश मनाउने भएकोले २८ गते मात्रै निवास सर्ने योजना बनाइएको हो । उता सरकारबाट बहिर्गमनको मुखमा पुगेका राष्ट्रिय स्वतन्त्र पार्टी (रास्वपा) का मन्त्रीहरूले सरकारी आवास छाडेका छन् ।​ रास्वपाबाट सभापति रवि लामिछानेसहित डीपी अर्याल, सुमना श्रेष्ठ र विराजभक्त श्रेष्ठ सरकारमा सहभागी छन् ।