खबरमाला संवाददाता
नेपाल सरकारको मुल्यांकनका आधारमा नगरपालिकातर्फ धादिङको नीलकण्ठ नगरपालिका र गाउँपालिकातर्फ पनि धादिडकै बेनीघाट रोराङ गाउँपालिका प्रथम भएका छन । शासकीय प्रबन्ध, संगठन तथा प्रशासन, वार्षिक बजे तथा योजना व्यवस्थापन, वित्तीय एवम् आर्थिक व्यवस्थापन, सार्वजनिक सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद व्यवस्थापन र सहकार्य र समन्वयको आधारमा देशभरीबाट गरिएको छनौटमा संघीय मामिला तथा सामान्य प्रशासन मन्त्रालयले गरेको स्थानीय सरकार संस्थागत क्षमता मूल्यांकनमा धादिङको नीलकण्ठ नगरपालिका देशभरीको उत्कृष्ट घोषित भएको हो । बुधबार दिउँसो मन्त्रालयमा आयोजित कार्यक्रममा नीलकण्ठ नगरपालिकालाई देशभरीमध्येबाट उत्कृष्ठ घोषित गरिएको हो। मन्त्रालयका प्रवक्ता कालीप्रसाद पराजुलीका अनुसार मन्त्रालयले देशभरीका ७ सय ५३ वटै स्थानीय सरकारको संस्थागत क्षमता मूल्यांकन गरेको थियो।
सोहीअनुसार नीलकण्ठ उत्कृष्ट, रूपन्देहीको तिलोत्तमा नगरपालिका दोस्रो र चितवनको रत्ननगर नगरपालिका तेस्रो भएको प्रवक्ता पराजुलीले बताए।
गाउँपालिकाहरूमध्ये धादिङकै बेनीघाट रोराङ गाउँपालिका उत्कृष्ट भएको छ। दोस्रोमा गुल्मीको रुरूक्षेत्र गाउँपालिका र सिन्धुपाल्चोकको इन्द्रावती गाउँपालिका तेस्रो भएको छ। ‘सबै स्थानीय तहको मूल्यांकन गरिएको हो। पछि गाउँपालिकाको को भयो भन्ने छुट्ट्याइएको हो,’ प्रवक्ता पराजुलीले बताएका छन । मन्त्रालयले स्थानीय सरकारको क्षमता मूल्यांकनका लागि १० क्षेत्र र सूचक तोकेको थियो।
शासकीय प्रबन्ध, संगठन तथा प्रशासन, वार्षिक बजे तथा योजना व्यवस्थापन, वित्तीय एवम् आर्थिक व्यवस्थापन, सार्वजनिक सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद व्यवस्थापन र सहकार्य र समन्वय गरी १० वटा क्षेत्र र त्यसमा फरक फरक पूर्णांक तोकिएको थियो। त्यसमा सबै महानगरको मूल्यांकन भएपनि कुनैपनि महानगर नपरेको प्रवक्ता पराजुलीले जानकारी दिए। उत्कृष्ठ हुने स्थानीय तहका प्रतिनिधिहरूलाई सम्मानपत्र प्रदान गरिएको उनले बताए। तोकिएको सय नम्बरमा नीलकण्ठले ९२ दशमलव ५ अंक ल्याएर उत्कष्ठ भएको हो भने गाउँपालिकातर्फ रोराड गाउपालिकाले ७८ दशमलव २५ अंक ल्याएर देशभरबाट पहलो स्थान प्राप्त गरेको हो । नीलकण्ठ नगरपालिकाका मेयर भीम ढुंगानाले लगातार दोश्रो कार्यकाल नेतृत्व गर्दै गर्दा विकास निर्माण , पुर्वाधार निर्माणमा उल्लेख्य विकास भएको छ । ढुंगाना नगरपालिका महासंघका केन्द्रिय अध्यक्ष हुन ।
