असुरक्षित बन्दै न्यूयोर्क, अपराधिक घटनामा अबैध आप्रबासीको संलग्नता

अमेरिकाको न्युयोर्कस्थित सबवे ट्रेनमा महिलामाथि आगो लगाएर हत्या गरेको घटनामा एकजना पक्राउ परेका छन्। संदिग्धको नाम सेबास्टियन जापेटा हो। उनी ग्वाटेमालाबाट अवैध आप्रवासी भएको बताइएको छ।

स्थानीय समयानुसार आइतबार बिहान साढे सात बजेको समयमा महिलामाथि आगो लगाउँदा उनको मृत्यु भएको थियो। न्युयोर्क प्रहरी आयुक्त जेसिका टिशले संदिग्धले महिलाको लुगामा लाइटरबाट आगो सल्काएको जानकारी दिएकी छन्।

मेट्रो स्टेशनमा अचानक धुवाँ र गन्ध आएपछि प्रहरी घटनास्थल पुगेको थियो। प्रहरी पुग्दा पीडित महिला जलिरहेकी थिइन्। त्यसपछि आकस्मिक सेवाका अधिकारीहरूले मृत घोषणा गरेका हुन्।

प्रहरीको प्रारम्भिक बयानमा महिला सुतिरहेको समयमा यो घटना भएको हो। संदिग्ध र महिलाबीच घटनाअघि कुनै कुराकानी समेत नभएको पाइएको छ। संदिग्धले महिलाले ओढेको कम्बलमा पहिले आगो लगाए, जसकारण चाँडो फैलियो। आगो लगाएपछि जापेटा मेट्रोबाट ओर्लिएर स्टेशनमा बसेर महिला जलिरहेको हेरिरहेका थिए।

प्रहरीले बडी क्यामेराबाट लिइएको फुटेज सार्वजनिक गर्दै दश हजार डलरको इनामसहित संदिग्धलाई पक्राउ गर्न सहयोग मागेको थियो। घटना भएको ८ घण्टापछि प्रहरीले उनलाई अर्को मेट्रोबाट पक्राउ गरेको हो। तीन विद्यार्थीको सहयोगमा हत्या आरोपमा ती व्यक्तिलाई पक्राउ गरिएको हो।

प्रहरी आयुक्त टिशले यस घटनालाई ‘एक व्यक्तिले अर्को मानवविरुद्ध गर्न सक्ने सबैभन्दा घिनलाग्दो अपराध मध्ये एक’ भनेर वर्णन गरेकी छिन्। प्रहरीले पीडित महिलाको पहिचान र आक्रमणको कारण खोजिरहेको जानकारी दिएको छ। उनी ग्वाटेमाला प्रवासी भएको जनाइएको छ।

पछिल्लो समय बढ्दो अबैध आप्रवासीका कारण न्यूयोर्क असुरक्षित बन्दै गएको रिपोर्टहरु सार्वजनिक हुन थालेका छन । न्यूयोर्कको सुरक्षा समस्या विभिन्न कारणहरूमध्ये अपराध दर बढिरहेको, दिउँसै लुटपाट हुन थालेको सबवे प्रणालीमा, प्रहरीको कमीको चिन्ता, ट्रेन स्टेसन असुरीक्षत, आपराधिक गगतिविधिमा बढी भएका छन । तथ्याङ्कले न्यूयोर्क सहर अन्य ठूला सहरहरूसँग तुलना गर्दा तुलनात्मक रूपमा असुरक्षित रहेको स्थानीयहरु असुरीक्षत महसुस गर्न थालेका छन । ती अपराधहरुमा अबैध आप्रवासीहरुको संलग्नता बढी रहेको बताईन्छ । ट्रम्पले प्रशासन सम्हाल्नु पहिले असुरक्षा खोज्दै अमेरिकाभरीका अबैध आप्रवासीहकरु न्यूयोर्क जान थालेको बताइएको छ । जसका कारण न्यूयोर्कमा संधिग्न व्यक्तिहरुको चहलपहल बढेको स्थानीय समाचारहरुले जानएका छन ।