प्रदर्शनका क्रममा अमेरिकी झण्डा जलाएपछि राष्ट्रपति डोनाल्ड ट्रम्पले कडा कारबाही गर्ने प्रतिवद्धता व्यक्त गरेका छन । लस एञ्जलसमा भएको आप्रवासन विरोध प्रदर्शनमा अमेरिकी झण्डा जलाउने र अन्य देशका झण्डा बोकेका प्रदर्शनकारीलाई ‘जनावर’ को संज्ञा दिंदै कडा आलोचना गरेका हुन । उनले यस्तो कार्यलाई राष्ट्रघाती भन्दै अमेरिकाको झण्डा जलाउनेलाई एक वर्ष जेल सजायको प्रस्तावसमेत अघि सारेका छन् ।
फोर्ट ब्र्यागमा अमेरिकी सेनाको २५० औं वार्षिकोत्सवमा सम्बोधन गर्दै ट्रम्पले भने, “उनीहरू जनावर हुन्, जसले गर्वका साथ अन्य देशको झण्डा बोकेर अमेरिकी झण्डा जलाउनेलाई एक वर्ष कारागार पठाइनुपर्छ ।” लस एञ्जलसमा आप्रवासन सम्बन्धी विरोध प्रदर्शनलाई नियन्त्रण गर्न ट्रम्प प्रशासनले ४ हजार नेसनल गार्ड र ७०० नौसेना पठाएको छ । क्यालिफोर्नियाले गभर्नर गेभिन न्युजम सहितका आलोचकहरूले यसलाई संघीय शक्ति दुरुपयोग भनेका छन् । न्युजमले ट्रम्प प्रशासनविरुद्ध १०औं संशोधन उल्लंघनको अभियोगमा मुद्दा दायर गर्दै प्रतिक्रिया दिएका छन्, “मलाई गिरफ्तार गर ” राष्ट्रपति ट्रम्पले प्रदर्शनको पछाडि को को छन् भन्ने अनुसन्धान भैरहेको जनाउँदै भने, “हामी पाम बोंडी र न्याय विभागमार्फत वित्तीय स्रोत पत्ता लगाउनेछौं ।” अमेरिकी महान्यायाधिवक्ता पाम बोंडीले प्रदर्शनसँग जोडिएका ९ वटा मुद्दाहरू खुला रहेको बताइन । उनले अगाडी भनिन् जसले थुकेको हो, हामी प्रहार गर्नेछौं ,तयार हुनु भन्दै कडा चेतावनी दिएकी छिन् ।
प्रदशनीका क्रममा अमेरिकी झण्डा जनाएपछि आन्दोलनमा समर्थन कम हुँदै गएको बताइएको छ तर पनि यो आन्दोलनको रुप फैलिएको छ । झण्डा जलाएपछि आन्दोलनमा सहभागीहरुबीच पनि कुटाकुट भएको समाचार माध्यमहरुले जनाएका छन । झण्डा जलाएर आन्दोलन नहुँने भन्दै आन्दोलनमा सहभागीहरुले त्यस्तो कार्य रोक्न आव्हान गरेका छन । आन्दोलनमा झण्डा जलाउनेहरु प्रोप्यालेस्टानीहरु रहेको समाचार माध्यमहरुले जनाएका छन ।
