लामो समयदेखि रिक्त रहेको नेपालको अमेरिकी राजदुतमा मेगन बोल्डिनलाई पठाएको छ । नेपालस्थित अमेरिकी दूतावास मेगन बोल्डिनलाई काठमाडौँमा स्वागत गरिएको अमेरिकी दुतावासले जनाएको छ । मेगनले आगामी केही महिना कार्यवाहक अमेरिकी राजदूतका रूपमा कार्यरत रहने र नेपालमा आएको बाढीबाट प्रभावित अमेरिकी नागरिकहरूको मद्दतमाथि केन्द्रित हुँदै नियोग उपप्रमुख स्कट अर्बमसँगको सहकार्यमा प्रतिकार्य र पुनर्लाभमा सहयोग गर्ने यस दूतावास नेतृत्व गर्नुहुनेछ।
उनी मंगलबार काठमाडौं आइपुगेको काठमाडौंस्थित अमेरिकी दूतावासले जनाएको छ। “मेगनले आगामी केही महिना कार्यवाहक अमेरिकी राजदूतका रूपमा प्रतिकार्यमा सघाउनुका साथै नेपालमा आएको बाढीबाट प्रभावित अमेरिकी नागरिकहरूको मद्दतमाथि केन्द्रित हुँदै नियोग उपप्रमुख स्कट अर्बमसँगको सहकार्यमा प्रतिकार्य र पुनर्लाभमा सहयोगको यस दूतावासका कार्यको नेतृत्व गर्नुहुनेछ,” काठमाडौंस्थित अमेरिकी दूतावासले मंगलबार भनेको छ ।
काठमाडौं आउनुअघि मेगन बोल्डिन बंगलादेशको ढाकास्थित अमेरिकी दूतावासमा कार्यरत थिइन् । त्यहाँ उनी सन् २०२४ को अगस्टदेखि नियोग उपप्रमुखका रूपमा कार्यरत थिइन् ।करियर डिप्लोम्याट मेगनसँग सकंट व्यवस्थापन, कूटनीति र नेतृत्वसम्बन्धी व्यापक अनुभव रहेको अमेरिकी दूतावासले जनाएको छ । उनीसँग युक्रेन, इराक, बंग्लादेश र वासिङ्टनस्थित अपरेसन्स सेन्टर लगायतमा काम गरेको अनुभव छ ।
“राहत तथा पुनर्लाभका प्रयासहरू जारी रहँदा नेपालमा उहाँको आगमनले नेपाल सरकार र साझेदारहरूसँग निकट रही काम गर्ने अमेरिकाको दीर्घकालीन प्रतिबद्धतालाई दर्साउँछ,” अमेरिकी दूतावासले भनेको छ ।
