Newyork Time 06:33 am
May 24, 2024, Friday
२०८१ जेष्ठ ११

किन नागरिकतानै त्यागेर एक लाख ४७ हजारले नेपालीले देश छाडे ?

२०८० चैत्र २९
Read Time : < 1 मिनेट
खबरमाला संवाददाता

920

सकेसम्म कसैलाई पनि आफ्नो जन्मभुमि छोडेर स्थायी रुपमा विदेसिने मन हुँदैन । कहिलेकाँही घुमघाम त कहिले व्यापार सेमिनार ती सामान्य कुरा हुन । तर नेपालबाट नागरिकहरु यति ठुलो सख्यामा किन स्थायी रुपमा नेपाल छोड्दैछन त सजिलो जवाफ छ नेपालमा के नै बाँकी छ र ? तर सरकारी पक्षले जसरी यो विषयलाई महत्व दिएर हेर्नुपर्ने हो त्यसो हुन सकेको छैन । कारण सरकार सन्चालकहरु सत्तामा भन्दा अन्त उनिहरुको ध्यान जान सकिरहेको छैन । त्यसैले वर्षेनी स्थायी रुपमा देश छोड्नेको संख्या बढ्दै गएको छ । अन्तर्राष्ट्रिय श्रम संगठनले नेपालीहरू किन देश छाड्न आतुर छन् भनेर अध्ययन प्रतिवेदन सार्वजनिक गरेको थियो । राजनीतिक अस्थिरता, राम्रो जीवनशैली तथा बस्ने वातावरण, काम गर्ने वातावरण, सहज रुपमा काम पाउने, राम्रो तलब, स्थायी बसोबासको कार्ड पाउन सहज, परिवार(आफन्त विदेशमा, विदेशमा रहेका साथी र  चिनजानहरू कारण रहेको प्रतिवेदनमा उल्लेख छ ।

आफ्नो मुलुक छोडेर कोही किन सधैंका लागि विदेश बस्न चाहन्छन् रु यो अहिले सार्वजनिक रुपमा बहसको विषय बन्न थालेको छ । किन मानिस आफू जन्मेको थातथलो त्यागेर परदेश जान चाहन्छन् रु यहाँ बस्न नदिन के कुराले प्रेरित गरिरहेको छ रु सरकार वा यहाँको राजनीतिक प्रणाली खराब छ रु नागरिकको सुखी, खुसी र शान्ति जीवन बिताउने चाहनाले पनि मानिसहरू विदेश जाने क्रम बढिरहेको  विदेश जानेले नेपालमा कुनै पनि समयमा स्वास्थ्य उपचार नपाउने , गुणस्तरीय शिक्षा, सामाजिक सुरक्षा र रोजगारीको सम्भावना नदेखेकाले स्थायी रुपमा देश छाड्न थालेको  छ ।

‘नेपालको अवस्था राम्रो छैन । आर्थिक, सामाजिक र राजनीतिक रुपले नेपाल राम्रो छैन भन्ने संकेत गरिरहेको छ, विभिन्न बाटो अपनाएर भए पनि मानिसहरूले देश छोड्ने खोजिरहेका छन् । युवा पुस्ताले नेपालमा उज्यालो आकाश देख्न छाडिसकेका छन् ।‘

चार वर्षमा स्थायी रुपमा एक लाख ४७ हजार नेपालीले देश छाडेका छन् । सन् २०२० मा ५ हजार १४४ जना नेपालीले स्थायी बसोबासका लागि देश छाडेका थिए । सन् २०२१ मा एक  हजार ५४१, सन् २०२२ मा ६९ हजार ३५१ र सन् २०२३ मा ७० हजार ९१५ नेपालीले स्थायी रुपमा देश छाडेका छन् ।

अध्यागमन विभागका अनुसार चार वर्षमा १ लाख ४६ हजार ९५१ जना नेपाली स्थायी बसोबास गर्न विभिन्न मुलुक गएका छन् । स्थायी बसोबासका लागि अमेरिका, बेलायत, जापान, क्यानडा, अष्ट्रेलिया र युरोपलगायतका धेरै मुलुकमा नेपालीहरू जाने गरेका छन् ।