रुपन्देही– ३ को उपनिर्वाचनको सरगर्मी बढेर गएको छ । मुलधराको राजनीतिक दलहरुमाथी यतिरखेर स्वतन्त्र पार्टी वा उम्मेदवारहरु चुनौति बन्ने देखिएको छ । जसमध्ये सशक्त उम्मेदवार बन्नेछन चर्चित अधिवक्ता ओमप्रकाश अर्याल । उनले १७ कात्तिकमा हुने रुपन्देही– ३ को उपनिर्वाचनमा स्वतन्त्र उम्मेदवारी दिने तयारी गरेका छन् । उनीनिकटका अनुसार आफ्नो उम्मेदवारीलाई अन्तिम रूप दिन अर्याल तीव्र लबिङ गरिरहेका छन् । गुल्मीमा जन्मेका अर्याल पछि बुटवल बसाइँ सरेका थिए । उनी हाल ललितपुरमा बस्दै आएका छन् । अर्को महत्वपुर्ण पक्ष चाही अर्याल उनी काठमाडौं महानगरपालिकाका प्रमुख बालेन्द्र शाह बालेनका कानुनी सल्लाहकार हुन् । यसको अर्याललाई बालेनको उम्मेदवारको रुपमा हेरिएको छ । यसै पनि अर्याल चर्चित र सक्षम व्यक्ति हुन । विभिन्न चर्चित एवं राज्यबाट भएका भ्रष्ट्रचारविरुद्धका मुद्दाहरु लडेर स्थापित अर्याल मुलधारका नेताका लागि प्रमुख चुनौति बन्ने निश्चित छ ।
महानगरविरुद्धका मुद्दाहरूमा अर्यालले कानुनी र रणनीतिक सल्लाह प्रदान गर्दै आएका थिए । स्रोतका अनुसार चुनावकै लागि उनी केही समयअघि नै उक्त जिम्मेवारीबाट अलग भइसकेका छन् । सार्वजनिक सम्पत्ति संरक्षण जगेर्नामा अर्याल विगतदेखि नै सक्रिय छन् । अर्यालले कुनै पनि राजनीतिक दलहरूको समर्थनबिना चुनावमा प्रतिस्पर्धा गर्न लागेका हुन् । उनले रपन्देहीको चुनावलाई प्रभावमा पार्न सक्ने काठमाडौंका प्रभावशाली व्यक्तिहरूसँगको भेटघाट तीव्र पारिरहेका छन् भने उक्त क्षेत्रका मतदाताहरूसँग पनि प्रतिक्रिया लिइरहेका छन् ।
रुपन्देही– ३ बाट निर्वाचित सांसद दीपक बोहराको गत १९ चैतमा काठमाडौंस्थित ओम अस्पतालमा निधन भएपछि अर्को उप चुनाव हुन लागेको हो । रुपन्देही– ३ मा नेकपा ९एमाले०, नेपाली कांग्रेस, माओवादी केन्द्र, राष्ट्रिय स्वतन्त्र पार्टी ९रास्वपा०, राप्रपालगायत दलहरूले प्रतिस्पर्धा गर्ने तयारी गरेका छन् । एमालेले खिमलाल भट्टराईलाई उम्मेदवार बनाउने पक्कापक्कीजस्तै भएको नेताहरूले जानकारी दिएका छन् । त्यस्तै, नेपाली कांग्रेसले उम्मेदवार चयनको प्रक्रिया अघि बढाएको छ भने रास्वपा पनि उम्मेदवार छनोटको प्रक्रियामा छ ।
