इरानद्धारा इजरेलमा आक्रमणपछि नेपालीहरुमा त्रास देखिएको छ । हमासबाट आक्रमण भएपछि केहि नेपालीहरु नेपाल फर्केका थिए तर फेरी त्यहि त्रास उब्जिएको छ । नेपाली दुतावासले नेपाली नागरिकका सूचना जारी गर्दै सतर्कता अपनाउन आग्रह गर्दै आलसम्म सबै सुरक्षित रहेको जनाएको छ ।
आक्रमणपछि सरकारले आगामी सोमवार राति ११ बजेसम्म लागु हुने गरी शैक्षिक क्रियाकलाप बन्द गर्ने र ठूलो स्तरको सभा÷भेला नगर्न भनी निर्देशन जारी भएको हुँदा आवश्यक सुरक्षाका लागि नेपाली लाई स्थानीय सुरक्षा प्रोटोकलहरूको पालना गर्न, आफ्नो क्षेत्रका लागि जारी गरिएका अद्यावधिक सूचना बारेमा जानकार रहन र आफ्नो सुरक्षातर्फ विशेष ध्यान दिन, अत्यावश्यक अवस्थामा बाहेक घरबाट बाहिर ननिस्कन तथा सुरक्षित आश्रयस्थलको सुविधा भएको स्थलको आसपासमै रहन समेत हार्दिक अनुरोध गर्दछौँ भनिएको छ ।
रोजगारीका लागि वर्षौँदेखि इजरेलमा बस्दै आएका केही नेपालीहरूले शनिवार इरानी ड्रोन तथा क्षेप्यास्त्र प्रहार हुँदाको अवस्थाबारे बीबीसी नेपाली वासंग कुरा गर्दै दोश्रो विश्वयुद्ध हुन लागेको होकी भनेर डराएको बताएका छन । उनिहरुका अनुसार रातभरी आकासमा आवाजहरु आईरहेको र साईरन बजेको बताइएको छ ।
इरानले प्रहार गरेका लगभग सबै ड्रोन र क्षेप्यास्त्र नष्ट गरिएको इजरेलको दाबी छ । नेपालीहरु साईरन बज्नेवित्तिकै बंकरमा गएर बसेको बताएका छन । कतिपय नेपालीहरु नेपाल फर्किन चाहेको तर धेरै पैसा सापटी मागेर आएकोले फर्किन पनि नसकिने बताएका छन । यदि युद्ध लम्बियो भने नेपालीहरु केहि फर्किने तयारीमा पनि पुगेका छन ।
इजरेलमा प्रायः सबै घर र भवनहरूमा बङ्कर हुने गर्छ । अब सीमाक्षेत्रमा छ भने र गाजाबाट हमला भएको छ भने साइरन बजेको ३० सेकेन्डभित्र बङ्करमा गइसक्नुपर्छ । गाजाबाट आक्रमण भएमा पनि तेल अभिभमा साइरन बजेको तीन मिनेटभित्र बङ्करमा गइसक्नुपर्छ । फेरि इजरेलको ’आइरन डोम’ भन्ने आफ्नै हवाई रक्षा प्रणाली पनि छ, त्यसले गर्दा ठूलो खतरा छैन । शनिवारको आक्रमणलाई पनि इजरेलले ९९ प्रतिशत विफल पारिदिएको बताइएको छ । ईजरेलमा कति नेपाली छन भन्ने यकिन तथ्यांक नभए पनि २५ हजार भन्दा बढी रहेको अनुमान गरिएको छ ।

यता अमेरिकी राष्ट्रपति जो बाइडेनले इजरायलले इरानमाथि प्रत्याक्रमण गरे अमेरिकाले साथ नदिने प्रष्ट पारेका छन् । शनिबार इजरायली प्रधानमन्त्री बेन्जामिन नेतान्याहुलाई फोन गरेर अमेरिकाले इरान विरुद्ध कुनै पनि इजरायली जवाफी हमलालाई समर्थन नगर्ने बाइडेनले बताएका हुन् ।

बाइडेन र उनका वरिष्ठ सल्लाहकारहरू इजरायलमा इरानको आक्रमणपछि इजरायली प्रतिक्रियाले विनाशकारी नतिजासहितको क्षेत्रीय युद्ध निम्त्याउनेमा सचेत रहेका अमेरिकी अधिकारीहरूले बताएका छन् । इजरायलले सिरियामा गरेको हवाई आक्रमणमा आफ्ना शीर्ष इरानी जनरल मारिएको बदलास्वरूप इरानले स्थानीय समयअनुसार शनिबार राति इजरायलविरुद्ध ड्रोन र मिसाइल आक्रमण गरेको थियो ।

इरानबाट २०० भन्दा बढी ड्रोन, क्रुज मिसाइल र ब्यालिस्टिक मिसाइलहरू प्रहार गरिएको छ । धेरै जसो आक्रमणहरु इजरायली हवाई क्षेत्र बाहिर रोकिएका थिए । यस क्षेत्रमा इजरायललाई निशाना बनाउँदै हानिएका इरानी प्रक्षेपण ड्रोनहरू अमेरिकी सेनाले खसालेको थियो। बाईडेनको यो भनाईले लडाई धेरै ठुलो नबन्ने संभावना देखाउँछ । तर पनि यो युद्धले आम विश्वमा तेश्रो विश्वयुद्धको संकेतका रुपमा हेरेका छन ।