अमेरिकी सिनेटर क्रिस भ्यान होलनसहित ३० जना सिनेटरहरूले टिपिएस र डिईडब्ल्लु प्राप्त योग्य आप्रवासीलाई स्थायी कानुनी बसोबास पिआर दिनका लागि सेक्यूयोर एक्ट नामक विधेयक पुनः संसदमा पेश गरेका छन् ।
यो विधेयक ट्रम्प प्रशासन र सर्वोच्च अदालतले टिपिएस कार्यक्रमलाई कमजोर बनाइरहेका बेला ल्याइएको हो । ट्रम्प प्रशासनले नेपालसहित पाँच देशका करिब ५ लाख ६३ हजार टिपिएस धारकहरूको मान्यता रद्द गरिसकेको छ, जसले उनीहरूलाई आफ्ना देश फर्कन बाध्य बनाउने निश्चित छ । ट्रम्प प्रशाससनले उनिहरुलाई अमेरिका छोड्न समय दिईसकेको छ । सिनेटरहरूका अनुसार वर्षौंदेखि अमेरिका बसेका, काम गरेका र समुदायमा योगदान दिँदै आएको भन्दै उनिहरुलाई अमेरिकामा स्थायी बसोबास गर्न दिनुपर्ने माग समेटिएको छ । यो विधेयकले कानु रुप पाएको खण्डमा उनीहरूलाई अमेरिका नै आफ्नो घर बनाउन कानुनी स्थायीत्वको अवसर दिनेछ । विधेयकलाई प्रमुख श्रमिक संगठनहरू र आप्रवासी अधिकार संस्थाहरूले समर्थन गरेका छन्।
सिनेटर कोरी बुकरले भनेका छन “यो प्रशासन ती आप्रवासीहरूलाई टेकेका जमिन खोस्दैछ, जसले कानुनी मान्यता पाएका छन्, समुदायका मेरुदण्ड हुन्, र दशकौंदेखि यहाँ काम गरिरहेका छन्। कांग्रेस चुपचाप बसेर यस्तो अन्याय हेरेर बस्न सक्दैन। हामीले तत्काल कदम चाल्नुपर्छ र टिपिएस पाएका सबै व्यक्तिहरूलाई स्थायी कानुनी हैसियत पाउने सुनिश्चित बाटो दिनुपर्छ — ती व्यक्तिहरूलाई, जसलाई हामीले खुलेर स्वागत गरेका थियौं ।”
