नेपालीका लागि ह्युबर्ट एच. हम्फ्री फेलोशिप कार्यक्रम २०२६–२७ को लागि आवेदन खुलेको छ । ईच्छुक र योग्य नेपाली व्यक्तिले आवेदन दिएर छानिने व्यक्तिका लागि यो प्रतिष्ठित, पूर्ण रूपमा अमेरिकी सरकारको खर्चमा १० महिनाको फेलोशिप कार्यक्रम संयुक्त राज्य अमेरिकामा सञ्चालन हुनेछ । जुन सार्वजनिक सेवा र नेतृत्वमा प्रतिबद्ध मध्य–स्तरीय पेशाकर्मीहरूका लागि डिजाइन गरिएको हो । सहभागीहरूले अमेरिकी अग्रणी विश्वविद्यालयहरूमा गैर–डिग्री शैक्षिक तथा व्यावसायिक अनुभवहरू प्राप्त गर्ने महत्वपुण अवसर पाउनेछन् ।
जहाँ आफ्नो नेतृत्व क्षमता विकास गर्नु, विश्वभरिका सहकर्मीहरूसँग सहकार्य गर्नु र आफ्नो प्रभाव विस्तार गर्नु सहयोग पुग्नेछ । यसका लागि आवेदन दिने अन्तिम मिति २०२५ जुलाई ३१, राति ११ः५९ बजे नेपाल समय अनुसार रहेको बेबसाईटमा उल्लेख छ ।
नेपालस्थित फुलब्राइट आयोग, जसलाई औपचारिक रूपमा “संयुक्त राज्य अमेरिका र नेपालको बीचको शैक्षिक आदानप्रदान आयोग भनिन्छ । सन् १९६१ मा अमेरिकी र नेपाली सरकारबीचको समझदारीअनुसार स्थापना गरिएको हो । यस आयोग स्थापना भएदेखि अहिलेसम्म ७०० भन्दा बढी अमेरिकी विद्वान, विद्यार्थी र विभिन्न पेसामा संलग्नहरू नेपाल आएका छन् भने ७०० भन्दा बढी नेपाली विद्यार्थी र विद्वानहरू फुलब्राइट कार्यक्रमअन्तर्गत अमेरिका गइ अनुभव आदन प्रदान गरी सकेका छन् ।
आयोगले अमेरिकी विद्वान, विद्यार्थी र पेशेवरहरूलाई नेपालमा स्वागत गर्नका लागि स्थानीय संस्थाहरूको साझेदारीमा कार्य गर्छ । उता, अमेरिका जाने नेपाली सहभागीहरूलाई त्यहाँका साझेदार संस्थाहरूले समर्थन गर्छन् । आफ्ना देश फर्किएपछि, फुलब्राइट सहभागीहरूले आफ्ना अनुभव बाँड्ने, प्रभावशाली परियोजनाहरू सुरु गर्ने र दीर्घकालीन सहकार्य प्रवद्र्धन गर्ने काममार्फत आफ्नो समुदायमा योगदान पु¥याउँदै आएका छन ।
यो कार्यक्रम अन्तर्गत विश्वभर १७५ भन्दा बढी देशहरूमा रहेका ४३० भन्दा बढी अन्तर्राष्ट्रिय विद्यार्थी परामर्श केन्द्रहरूको सञ्जाल कार्यरत रहेका छन । यस सन्जालले अमेरिकी उच्च शिक्षाबारे सटिक, अद्यावधिक र विस्तृत जानकारी प्रदान गर्ने गर्दछ । अमेरिका अध्ययनका लागि जानकारी चाहिएमा यहिबाट नै आधिकारी जानकारी पाईन्छ । यो केन्द्र अमेरिकी विदेश मन्त्रालयको आधिकारिक स्रोत हो, जसले नेपाली विद्यार्थीहरूलाई अमेरिकी उच्च शिक्षा प्रणालीका बारेमा मार्गदर्शन गर्छ ।
आवेदनका लागि तलको लिंकमा हेर्न सक्नुहेनेछ ।
