अमेरिकी राष्ट्रपति डोनाल्ड ट्रम्पको चाहाना अनुसार प्रमुख कर र खर्च सम्बन्धी विधेयक पारित सिनेटबाट पास भएको छ । अत्यन्तै महत्वका साथ हेरिएको यस बीग ब्यूटिफुलको उपनाम दिइएको बिल पास हुँदा रिपव्लिकनहरुले ठुलो जीतको रुपमा लिएका छन । घन्टौंको गतिरोधपछि झिनो मतान्तरले पारित गरेका छन्, जसको अर्थ प्रस्तावित कानुनले आफ्नो प्रमुख बाधामध्ये एक पार गरेको रुपमा लिइएको छ । यो विधेयक उपराष्ट्रपति जेडी भ्यान्स ले टाई ब्रेकर मत खसालेर पारित गराएका हुन्, जुन २४ घण्टाभन्दा बढी लामो बहसपछि सम्पन्न भएको हो ।
यो बीलले अबैध आप्रवासी डिपोर्ट योजनामा व्यापक लगानी गर्नेछ । जसमा ४५ अर्ब (इमिग्रेशन एन्ड कस्टम्स इनफोर्समेन्ट) हिरासत केन्द्र, १४ अर्ब डिर्पोटेसन कार्य, र २०२९ सम्म १० हजार नयाँ एजेन्ट नियुक्तिका लागि बजेट छुट्याइएको छ । थप ५० अर्ब सीमानामा पर्खाल निर्माणका लागि छुट्याइएको छ, जसमा मेक्सिकोसँगको सीमा क्षेत्र पनि समावेश हुन सक्छ ।
अब यो विधेयक तल्लो सदन (प्रतिनिधिसभा) मा फिर्ता जानेछ । जहाँ अझै पनि त्यसविरुद्ध व्यापक विरोध बाँकी छ । यसभन्दा अघि एक मतको बहुमतले प्रतिनिधिसभाबाट पास भएको थियो । डोनाल्ड ट्रम्पले रिपब्लिकनले नियन्त्रणमा लिएको कंग्रेसलाई ४ जुलाईको डेडलाइन दिएका थिए, ताकि उनी विधेयकमा हस्ताक्षर गरेर यसलाई कानुन बनाउने तयारी स्वरुप ।
रिपव्लिकनहरुको बहुमत रहेको सिनेटनमा यस बिलमा समर्थन गर्ने बेला तीनजना रिपब्लिकन सांसदहरू गुमाएका छन । मेनकी सुसन कोलिन्स, नर्थ क्यारोलाइनाका थोम टिलिस, र केन्टकीका र्यान्ड पॉल जसले सबै डेमोक्र्याटहरूसँग मिलेर विधेयकको विपक्षमा मतदान गरेका छन ।
्यो बिलले करमा कुल ४ दशमलव ५ ट्रिलियन डलरले कटौती गर्नेछ, जसमा विस्तारित बाल कर क्रेडिट, केही वृद्ध अमेरिकीहरूका लागि ठूलो मानक कटौती र अमेरिकामा बनेका नयाँ कारका खरिदकर्ताकाका लागि कटौती समावेश छ । बिलमा राज्य र स्थानीय कर कटौतीको सीमा १० हजार डलरबाट ४० हजारमा उठाउने योजना समावेश छ ।
सिनेटले गरेका परिवर्तनहरू प्रतिनिधि सभाले स्वीकार गर्ने कि नगर्ने भन्ने कुरा अझै स्पष्ट छैन । प्रतिनिधि सभाले गत महिना उक्त विधेयकको प्रारम्भिक मस्यौदालाई एक मतको झिनो बहुमतले स्वीकृति दिएको थियो । यद्यपि रिपब्लिकनहरूले कांग्रेसका दुबै सदनमा नियन्त्रणमा छ ।
यो विधेयक ट्रम्पको राष्ट्रपतिकालको लागि अत्यावश्यक मानिएको छ । यसले २०१७ मा ट्रम्पको पहिलो कार्यकालमा गरिएको कर कटौतीलाई विस्तार गर्नेछ, र टिप्स, ओभरटाइम र केही कार ऋणका ब्याजमा कर कटौतीको नयाँ प्रावधानहरू समावेश गरिएको छ । अब विधेयक फेरि प्रतिनिधिसभामा गएको छ, जहाँ सभामुख जोनसनले आफ्नो पार्टीको विभिन्न गुटहरू बीच सहमति गराउनु पर्ने चुनौती छ । मध्यमार्गीहरू सामाजिक सुरक्षाको कटौतीप्रति चिन्तित छन् भने, दायाँपन्थीहरू यसले धेरै खर्च गर्ने भन्दै विरोधमा छन् ।
