राष्ट्रपति डोनाल्ड ट्रम्पको व्यापक कर र खर्च सम्बन्धी विधेयक अमेरिकी सिनेट र प्रतिनिधि सभाले पारित गरेको छ । अब राष्ट्रपति ट्रम्पले हस्ताक्षर गरेपछि त्यो कानुन बनेर लागु हुनेछ । जसले राष्ट्रपतिलाई उनको दोस्रो कार्यकालको पहिलो ठूलो कानूनी जित भनिएको छ । आप्रवासनमा कडाई गर्ने र व्यापक संघीय सामाजिक सुरक्षाका कार्यक्रमहरू कटौती गर्ने यो बील विधेयक राष्ट्रपति ट्रम्पको टेबलमा हस्ताक्षरको लागि पठाइएको छ ।
प्रतिनिधि सभामा भएको मतदानमा २१८ को विरुद्ध २१४ मतको परिणामले पास भएको छ ट्रम्पले उक्त विधेयक शुक्रबार, स्वतन्त्रता दिवसको अवसरमा हस्ताक्षर गर्न तयार पार्न माग गरेका थिए । यो विधेयक कंग्रेसका उनका रिपब्लिकन सहयोगीहरूले तयार गरेका थिए भने डेमोक्र्याटहरूले सर्वसम्मतिले अस्वीकार गरेका थिए । विधेयकले पारित हुनका लागि अनिश्चित छलफल भएर प्रतिनिधि सभा र सिनेटमा अनेकौं रातभरका मतदानहरू भएका थिए ।
यस विधेयकले इमिग्रेशन एन्ड कस्टम्स एनफोर्समेन्ट (आईस) को हिरासत सुविधाका लागि ४५ अर्ब, निर्वासन कारवाहीका लागि १४ अर्ब र २०२९ सम्म १० हजार नयाँ एजेन्टहरू भर्ना गर्न अर्बौं डलर विनियोजन गरेको छ । अतिरिक्त ५० अर्ब सिमानाको पर्खाल र अन्य सुरक्षा संरचनाहरूका लागि छुट्याइएको छ । यसबाट अबैध आप्रवासनका लागि बढी केन्द्रित छ ।
त्यसैगरी फुड स्टाम्प खाद्य सहायतामा नयाँ काम सम्बन्धी शर्तहरू थपिएका छन्, र राज्यहरूलाई पहिलो पटक त्यसको खर्च कार्यक्रमको केही लागत व्यहोर्न बाध्य बनाइएको छ । कंग्रेसनल बजेट अफिसको अनुमान अनुसार, विधेयकका कारण परिवर्तनले १ सय १८ करोड मानिसले स्वास्थ्य सेवाबाट वञ्चित हुन सक्छन् ।
केही रिपब्लिकनहरू आफैं आफ्ना मतदाताहरूले भर पर्ने सामाजिक सुरक्षा कार्यक्रमहरूमा कटौतीबारे चिन्तित थिए । नर्थ क्यारोलिनाका स्विङ राज्य प्रतिनिधित्व गर्ने सिनेटर थम टिलिसले त्यही कारण विधेयकको समर्थन गर्न अस्वीकार गरे । त्यसपछि ट्रम्पले घोषणा गरे कि अर्को निर्वाचनमा उनी टिलिसविरुद्ध प्राइमरी चुनौतीको समर्थन गर्नेछन् । त्यसको केही समयपछि टिलिसले आफू रिटायर हुने घोषणा गरे .
यस विधेयकमा टिप्स, ओभरटाइम तलब र कार ऋणको ब्याजमा अस्थायी कर छुट दिने, जुन ट्रम्पले अघिल्लो चुनावमा वाचा गरेका थिए । तर यसले सरकारलाई ट्रिलियन डलर बराबरको राजस्व घाटा गराउनेछ । त्यसको क्षतिपूर्ति गर्न खाद्य सहायतामा कटौती गरिएको छ — जसले लाखौं मानिसको स्वास्थ्य बीमा र खाद्य सहायता गुम्ने खतरा सिर्जना गरेको डेमोक्र्याटहरुले आरोप लगाएका छन ।
