अमेरिकी विदेश मन्त्रालयले दशकमै सबैभन्दा ठूलो कूटनीतिक पुर्नसंरचना गर्ने योजना सार्वजनिक गरेको छ । मन्त्रालयले सामूहिक कर्मचारी कटौती अघि बढाउने योजना घोषणा अनुसार यी कटौतीहरू डोनाल्ड ट्रम्पको “अमेरिका फस्र्ट” दृष्टिकोणसँग विदेश मन्त्रालयको उद्देश्य मिलाउने प्रयासका रूपमा हेरिएको छ । व्यापक पुनःसंरचनाको हिस्सा स्वरूप करिब २ हजार कर्मचारीहरूलाई यसै हप्तादेखि नै हटाउने तयारी गरिरहेको छ । विदेशमन्त्री रुबियोले राष्ट्रपति ट्रम्पको निर्देशनमा ऐतिहासिक पुनःसंरचना अगाडि बढाएका हुन्, जुन सोच–सम्झेर, मन्त्रालयको नेतृत्वले योजनाबद्ध रूपमा कार्यान्वयन गरेको हो। ‘अमेरिका फस्र्ट’ विदेश मन्त्रालयले अमेरिकी जनतालाई अझ प्रभावकारी रूपमा सेवा पु¥याउनेछ ।
“रिडक्सन इन फोर्स” भनेर चिनिने यी कटौतीहरू र स्वैच्छिक राजीनामाका कार्यक्रमहरूमार्फत मन्त्रालयको करिब १५% घरेलु कर्मचारी हटाउने योजना अघि सारिएको छ । द गार्जियनका अनुसार एक वरिष्ठ अधिकारीको हवला दिंदै यो संख्या झन्डै २ हजार जनाको कटौति गर्ने बताइएको छ । यो पुनःसंरचनामा सयौं विभागहरू एक आपसमा गाभिने वा पूर्ण रूपमा खारेज गरिनेछन् । विदेश मन्त्रालयले राष्ट्रपतिलाई सल्लाह दिनुका साथै अमेरिकी परराष्ट्र नीति नेतृत्व गर्ने काम गर्छ ।
यो लामो समयदेखि अपेक्षित रहेको कदम मन्त्रालयले यसै साताबाट जब अमेरिकी सर्वोच्च अदालतले ट्रम्प प्रशासनको पक्षमा फैसला गरयो त्यसपछि ट्रम्प प्रशासन उत्साहित भएर कर्मचारी कटौति गर्न तयार भएको बताईन्छ । संघीय न्यायाधीशद्वारा सरकारी कर्मचारी कटौती रोक्न जारी गरिएको आदेशलाई उल्टाएपछि यस फैसलाले लाखौं संघीय कर्मचारीहरू प्रभावित हुने सम्भावना रहेको सामूहिक बर्खास्त योजनालाई अघि बढ्न कानुनी बाटो खोलेको छ ।
विदेश मन्त्रालयले कर्मचारी कटौती गर्ने विस्तृत योजना ािर्वजनिक गर्ने तयारी भईरहेको बताइएको छ । मन्त्रालयका उप सचिव माइकल रिगासको नाममा जारी गरिएको मेमोमा कटौति गर्ने योजना घोषणा गरिएको छ । कर्मचारी कटौति संगै कयौन देशमा रहेका दुतावास, केहि महावाणिज्यदुतावासहरु र नियोगहरु पनि बन्द गर्ने बताइएको छ ।
कर्मचारी हटाउनेसंगै क्षेत्रीय विभागहरू वैदेशिक दूतावासहरू घटाउने, सार्ने, कार्यहरु पर्ने बताइएको छ । कतिपय विभागहरू, विशेष गरी आप्रवासन र लोकतन्त्र प्रवद्र्धनमा केन्द्रित ब्युरोहरू, ट्रम्प प्रशासनको विदेश नीति दृष्टिकोण अन्तर्गत महत्वपूर्ण रूपले परिवर्तन गरिने बताइएको छ ।
