अमेरिकाको नेपाली राजदूतवासको संयोजनमा ओहायो राज्यको कोलम्वस र केन्टुकीमा घुम्ती शिविर सञ्चालन सम्पन्न गरेको छ । केन्टुकीमा गत शनिवार र आईतबार साथै ओहायोमा मंगलबार र बुधबार गरी आयोजना गरिएको घुम्ती शिविरमा करिब चारभन्दा बढी सेवाग्राहीले सेवा लिएको ओहायोस्थित अवैतनिक वाणिज्यदुत डा दामोदर पौडेलले खबरमालालाई बताए । ओहायो राज्यका लागि अवैतनिक वाणिज्यदूत डा. दामोदर पौडेलको समन्वय र गैरआवासिय नेपाली संघको च्याप्टरहरुको सहयोगमा स्थानीय शिविर सञ्चालन गरिएको थियो । शनिबार र आइतबार केन्टकी राज्यमा सम्पन्न शिविरमा २ सय ५० जना र ओहायोमा एक सय ५० भन्दाबढीले सेवा पाएको वाणिज्यदुत डा पौडेलले बताए ।
यहाँ रहेका नेपालीहरूका लागि राहदानी नवीकरणलगायत सेवाका लागि डिसीमा रहेको दूतावाससम्म पुग्नका लागि समय र स्रोतको कारणले महँगो पर्ने भएकाले डा दूतावासको टोली नै गएर सेवाग्राहीलाई सेवा दिनु महत्त्वपूर्ण भएको पौडेलले प्रतिक्रिया दिनुभयो । डिसीस्थित दूतावासले अमेरिकामा नेपालीको बुसोबास धेरै रहेका स्थानहरुमा गएर घुम्ती सेवा प्रदान गर्दै आएको छ । जसका कारण राहादानी लगायत विभिन्न सेवाले नेपाली समुदायमा राहात महसुश गर्ने गरेका छन ।
