एयर इन्डियाका २६ बोइङ ७८७–८ विमानहरूको स्तरोन्नति (अपग्रेड) भइरहेका कारण धेरै विमानहरू लामो दूरीका उडानहरूका लागि उपलब्ध नहुने बताइएको छ । यो कार्य २०२६ को अन्त्यसम्म चल्नेछ ।
पाकिस्तानको हवाई क्षेत्र बन्द रहेकाले पनि लामो दूरीका उडानहरूमा समस्या भइरहेको बताइएको छ । एयर इन्डियाले सेप्टेम्बर १ पछिको बुकिङ गरेका यात्रुहरूसँग सम्पर्क गरी उनीहरूलाई वैकल्पिक उडानमा बुकिङ वा पूर्ण रकम फिर्ता लिने विकल्प प्रदान गर्ने बताएको छ ।
यद्यपि, यात्रुहरूले एयर इन्डियाका इन्टरलाइन साझेदारहरूमार्फत न्युयोर्क, सिकागो वा सान फ्रान्सिस्को हुँदै वासिङ्टन डीसी पुग्नसक्ने बताइएको छ । एयर इन्डियाले हाल उत्तर अमेरिकाका ६ वटा सहरहरूमा नन–स्टप उडानहरू सञ्चालन गरिरहेको छ । जसमा क्यानाडाको टोरन्टो र भ्यानकुभर पनि समावेश छन् ।
