कुवेतमा शनिबार मिथेनल मिथेनोल मिश्रित मदिरा पिएर कम्तीमा २३ जनाको मृत्यु भएको छ भने १६० भन्दा बढि व्यक्तिहरूले मदिरा विषाक्तताका कारण उपचार गराइरहेको त्यहाँ स्वास्थ्य मन्त्रालयले पुष्टि गरेको छ। मृतकहरू सबै एशियाली मूलका रहेको बताइएको छ। कुवेतस्थित नेपाली दूतावासका अनुसार पछिल्लो तीन दिनमा विषाक्त रक्सी सेवनका कारण कुवेतमा ९ जना नेपालीको मृत्यु भएको छ। अस्पताल स्रोतले दूतावासलाई जानकारी गराएअनुसार थुप्रै अन्यको उपचार भइरहेको छ भने केही डिस्चार्ज भइसकेका छन्। निधन भएका नेपालीहरुको नाम थर वतन र नेपालको ठेगाना खोजेर आफन्तलाई जानकारी गराउने प्रक्रियामा दुतावासले काम गरी रहेको बताइएको छ ।

दूतावासका श्रम सल्लाहकार गिरिप्रसाद आचार्यले दिएको जानकारी अनुसार मृतकहरूको विवरण संकलन भइरहेको छ । उहाँले भने, “चिकित्सकीय रिपोर्ट प्राप्त नभएसम्म मृत्युको यकिन कारण भन्न सकिँदैन। तीन दिनको अवधिमा ९ नेपालीको मृत्यु भएको छ। विषाक्त रक्सीकै कारण मृत्यु भएको हो कि होइन भन्ने यकिन भन्न सकिने अवस्था छैन।” यी बिरामीहरूमा लक्षणहरू सामान्यदेखि गम्भीरसम्म फैलिएको छ। ३१ जना बिरामीलाई भेन्टिलेटरमा राखिएको छ भने ५१ जनाले आपतकालीन मृगौला डायलाइसिस गराउनु परेको छ। त्यसमध्ये २१ जनाको स्थायी दृष्टि नष्ट वा कमजोर भएको छ।

विषाक्त मदिरा पिएर कम्तीमा १० नेपाली नागरिकले ज्यान गुमाएका छन्, कुवेतस्थित नेपाली दूतावासका अधिकारीहरूले बताएका छन्। अन्य करिब ३० देखि ३५ जना नेपालीहरू, जसले विषाक्त मदिरा सेवन गरेको विश्वास गरिन्छ, हाल कुवेतका विभिन्न अस्पतालहरूमा उपचाराधीन छन्। केही बिरामीहरू गम्भीर अवस्थामा इन्टेन्सिभ केयरमा छन् र डाक्टरहरूले २४ घण्टा निगरानी गरिरहेका छन्। स्वास्थ्य मन्त्रालयले जनतालाई विषाक्त मदिरा सेवन गरेको शङ्का भए तुरुन्त अस्पताल वा स्वीकृत ह्याटलाइनमा खबर गर्न आग्रह गरेको छ। स्वास्थ्य मन्त्रालयले यस संकट व्यवस्थापनका लागि सम्बन्धित सबै निकायहरूसँग नजिकबाट समन्वय गरिरहेको बताएको छ। मिश्रित मदिरा बजारमा कसरी आएको हो भन्ने विषयमा अनुसन्धान जारी रहेको मुख्य कुराहरूमा उल्लेख छ।
कुवेतमा सबैभन्दा बढी प्रभाव पारेका मध्ये भारतीय दूतावासले करिब ४० भारतीय नागरिकहरू अस्पताल भर्ना भएकाले उनीहरूको उपचारमा सहयोग पुर्याइरहेको जनाएको छ। दूतावासले पीडित परिवारलाई जानकारी र आवश्यक सहयोग प्रदान गर्न ह्याटलाइन नम्बर पनि खुलेको छ। भारतीय राजदूत लगायत उच्च अधिकारीहरूले बिरामीहरूको अवस्था बुझ्न अस्पतालहरूको निरीक्षण गरेका छन्। यो घटना कुवेतमा अवैध रूपमा निर्मित र बिक्री गरिँदै आएको मिथेनल मिश्रित मदिरासँग सम्बन्धित रहेको आशङ्का गरिएको छ। कुवेतमा मदिरा आयात र उत्पादन १९६४ देखि प्रतिबन्धित छ।