अमेरिकी राष्ट्रपतिमा निर्वार्चित भएपछिको पछिल्लो ६ महिनामा अमेरिकी स्टेट डिपार्टमेन्टले अमेरिकी कानुन उल्लंघन र भिसाको अवधि नाघेर बसेको आरोपमा ६ हजारभन्दा बढी अन्तर्राष्ट्रिय विद्यार्थीको भिसा खारेज गरेको छ । स्टेट डिपार्टमेन्टका अनुसार, भिसा खारेज गरिएकामध्ये “धेरैजसो“ विद्यार्थीहरू आक्रमण, मादक पदार्थ सेवन गरेर सवारी चलाउने, डकैती, र “आतंकवादको समर्थन“ गरिएको आरोप वा गतिविधिमा संलग्न रहेको जनाइएको छ ।
यो कदम ट्रम्प प्रशासनको आप्रवासन र अन्तर्राष्ट्रिय विद्यार्थीहरूमा भइरहेको कडाइ अभियानको निरन्तरताको क्रममा भएको उल्ल्ेख छ । स्टेट डिपार्टमेन्टका अनुसार, खारेज गरिएका ६ हजार विद्यार्थी भिसामध्ये करिब ४ हजार भिसा अमेरिकी कानून उल्लंघन गर्नेहरूमाथि कारबाही स्वरूप खारेज गरिएको उल्लेख छ । साथै, २०० देखि ३०० भिसा अमेरिकाको आप्रवासन ऐन अन्तर्गत, “आतंकवादी गतिविधि“ मा संलग्न रहेको भन्दै खारेज गरिएको छ । यस धारणाले मानवीय जीवनमा खतरा पु¥याउने वा अमेरिकी कानून उल्लंघन गर्ने कार्यलाई आतंकवादको रूपमा परिभाषित गरिएको छ ।
यस वर्षको सुरुमा ट्रम्प प्रशासनले अन्तर्राष्ट्रिय विद्यार्थीहरूका लागि भिसा अपॉइन्टमेन्टहरू रोकिएको घोषणा गरेको थियो । जुन महिनामा प्रक्रिया पुनः सुरु गर्दा, सबै नयाँ भिसा आवेदकहरूलाई आफ्नो सामाजिक सञ्जाल खाता सार्वजनिक गर्नुपर्ने नियम लागू गरिएको छ । त्यसैको आधारमा भिषा दिने विभिन्न सार्वजनिक सुचनाका आधारमा बताइएको छ ।
अमेरिकी अधिकारीहरूले अब आवेदकहरूको प्रोफाइलबाट अमेरिकी नागरिक, संस्कृति, सरकार, संस्था वा मूल सिद्धान्तप्रति वैमनस्यता राख्ने कुनै संकेत भेटिए भिषा नदिने बताउँदै आएको छ । विधाथीहरुले आफ्नो सामाजिक सन्जालहरु लक नगर्न पनि सुचना जारी गरेका छन ।साथै, विदेशी आतंकी संगठनहरूको समर्थन गर्ने, राष्ट्रिय सुरक्षामा खतरा पु¥याउने, वा अवैधानिक यहूदी विरोधी दुव्र्यवहार गर्नेहरूलाई पनि पहिचान गर्न निर्देशन दिइएको छ ।
विदेशमन्त्री मार्को रुबियोले मे महिनामा अमेरिकी सांसदहरूलाई जानकारी दिँदै भनेका थिए कि जनवरीयता “हजारौं“ विद्यार्थी भिसा रद्द गरिएको छ । उनले भने, “अहिलेसम्म कति भिसा खारेज गरियो भन्ने ठीक पत्ता छैन, तर अझै धेरै गर्न बाँकी छ ।“ रुबियोका अनुसार, अमेरिकी उच्च शिक्षण संस्थानहरूमा अवरोध पु¥याउने अतिथिहरूको भिसा निरन्तर खारेज गरिनेछ ।
तर डेमोक्र्याट नेताहरूले भने यो कदमलाई “न्यायिक प्रक्रिया माथिको आक्रमण“ भन्दै विरोध गरेका छन् । उनीहरूको भनाइमा, यो कदमले निर्दोष विद्यार्थीहरूलाई पनि असर पार्न सक्छ ।
विदेशी विद्यार्थीहरूको तथ्यांक सङ्कलन गर्ने संस्थान ओपन डोरर्सका अनुसार, २०२३–२४ शैक्षिक सत्रमा २१० भन्दा बढी देशका १.१ मिलियन भन्दा बढी अन्तर्राष्ट्रिय विद्यार्थीहरू अमेरिकी कलेज तथा विश्वविद्यालयहरूमा भर्ना भएका थिए । तर पछिल्ला भिसा नीतिहरू र कडाइका कारण, धेरै विद्यार्थीहरूले अमेरिकी विश्वविद्यालयमा आवेदन दिन डर मानिरहेको बताइएको छ ।
राष्ट्रपति डोनाल्ड ट्रम्पको प्रशासनले अमेरिकामा अध्ययनरत चिनियाँ विद्यार्थीहरूको भिसा “आक्रामक रूपमा“ खारेज गर्ने घोषणा गरेको थियो थियो । अमेरिकी विदेशमन्त्री मार्को रुबियोले जारी गरेको वक्तव्यमा भने, यो कदम विशेषगरी “चिनियाँ कम्युनिस्ट पार्टीसँग सम्बद्ध“ रहेका वा “संवेदनशील क्षेत्रहरूमा अध्ययन गरिरहेका“ विद्यार्थीहरूलाई लक्षित गर्नेछ । यो निर्णय चीन र अमेरिकाबीचको चिसिंदो सम्बन्धको पृष्ठभूमिमा आएको बताइएको छ । गत वर्ष अमेरिका भित्र २ लाख ८० हजार चिनियाँ विद्यार्थीहरू अमेरिका अध्ययन गर्न आएका थिए । यद्यपि, नयाँ कदमबाट कति विद्यार्थीहरू प्रभावित हुनेछन् भन्ने स्पष्ट भई सकेको छैन । विदेशमन्त्रि रुबियोका अनुसार, “संवेदनशील प्रविधि, राष्ट्रिय सुरक्षा र बौद्धिक सम्पत्तिसँग जोडिएका क्षेत्रहरूमा अध्ययन गर्नेहरू विशेष निगरानीमा रहनेछन् ।“ रुबियोले विश्वभरका अमेरिकी दूतावासहरूलाई चिनियाँ विद्यार्थीहरूको भिसा अपॉइन्टमेन्टहरू कडाई गर्न सोसियल मिडिया स्क्रिनिङलाई थप कडाइ गर्ने आदेश दिएका थिए । श्रोत बीबीसी अंग्रजीबाट ।
