जेनजी आन्दोलनपछि बनेको अन्तरिम सरकारले अझै मन्त्रिपरिषलाई पुर्णता दिन सकेको छैन । प्रधानमन्त्री सुशीला कार्कीले मन्त्रिपरिषद्लाई पूर्णता दिन विभिन्न व्यक्तिहरूसँगको परामर्श तीव्र बनाए पनि विभिन्न शक्ति केन्द्रबाट आएका नामहरुका कारण ११ सदस्यी बनाउने भनिएको मन्त्रिपरिषदको आकार बढ्ने भएको छ । सरकार बनेको दश दिन भइसकेकाले छिटो चयन गर्न उनीमाथि दबाब छ त्यसैले संभवत भोलीसम्म मन्त्रि परिषदले पुर्ण रुप पाउने छ एक मन्त्रिले बताए । आन्दोलनको भावना, समावेशीता र सरकारको चुनावी मुख्य कार्यभार बहन गर्न सक्ने व्यक्तिहरूलाई उनले मन्त्रीमा ल्याउन चाहेकी भए पनि अहिले उनले पाएका नामहरु शक्ति केन्द्रबाट प्राप्त भएकोले प्रधानमन्त्रि कार्की चर्को दवादमा रहेको बताइएको छ ।
प्रधानमन्त्रि कार्कीले आफैले खोजेका बेहि व्यक्तिहरु मन्त्रि बन्न ईन्कार गरेपछि उनि केहि निरास बनेको निकटस्थहरुले बताएका छन । तर पछिल्लो समयमा मन्त्रि बन्ने भनेर शक्ति केन्द्रबाट उनको हातमा पुगेको नामहरु चर्चामा छन । उनले राजनीतिक दलहरूमा आवद्ध नभएका व्यावसायिक छविका व्यक्तिहरू खोजेकी छन् । उनीहरूले केही व्यक्तिहरूलाई बोलाए र केहीलाई जेनजीका प्रतिनिधिहरू मार्फत् कुराकानी गरेकी छन् ।
उनले कुराकानी गरेकामध्ये डा सन्दुक रुई, डा भगवान कोईराला, अनिल चित्रकार, अनुराधा कोईराला, भिमार्जुन आचार्यलगायतले मन्त्रि बन्न अस्वीकार गरेको बताइएको छ । प्रधानमन्त्री कार्कीले आफ्नो समूहमा छलफल चलाएका केही नामहरूमा पूर्व न्यायाधीश अनिलकुमार सिन्हा, मानव अधिकार आयोगकी पूर्वआयुक्त मोहना अन्सारी, वैज्ञानिक महावीर पुन, स्वास्थ्य मन्त्रालयकी अतिरिक्त सचिव डा. संगिता कौशल मिश्रा , सञ्चारकर्मी जगदीश खरेल, सम्पदाकर्मी गणपतिलाल श्रेष्ठ, बब्लु गुप्ता, रक्षा बम लगायत रहेको बताइएको छ । संभवत यहि नाममा अन्तिम सहमति हुने बताइएको छ । जेनजी आन्दोलनका युवाहरूले कतिपय नामहरूमा प्रश्न गरेकाले प्रधानमन्त्री कार्कीले उनीहरूको पृष्ठभूमिबारे थप खोजबिन गरिरहेकी बताइएको छ । राष्ट्रपति कार्यालयका अनुसार तयारी अवस्थामा रहे पनि नाम आइसकेको छैन ।
