हमासद्वारा अपहरणमा परेका नेपाली विद्यार्थी विपिन जोशीको परिवारले उनको एउटा भिडियो सार्वजनिक गरेको छ, जुन सन् २०२३ अक्टोबर ७ मा किब्बुट्ज अलुमिममाथि भएको आक्रमणपछि छायांकन गरिएको थियो। इजरायली रक्षा बलले उद्धार गरी परिवारलाई उपलब्ध गराएको उक्त भिडियो सन् २०२३ नोभेम्बरमा खिचिएको मानिन्छ । जसको जानकारी अपहृत र बेपत्ता परिवारहरूको मञ्चले दिएको छ। यो संस्था हाल बाँकी रहेका ४८ जना बन्धकका आफन्तहरूको प्रतिनिधित्व गर्छ।
प्यालेस्टाइनको लडाकू समूह हमासको कब्जामा रहेका नेपालका विपिन जोशी जीवितै रहेको भिडिओ सार्वजनिक गरिने भएको छ। इजरायलको अखबार द जेरुसेल पोस्टले हमासले बन्दक बनाएकाहरुको परिवारको फोरमले विपिनको भिडिओ आज बुधबार साँझ सार्वजनिक गर्ने घोषणा गरेको उल्लेख गरेको छ। सार्वजनिक गर्न लागेको भिडिओले विपिन जीवितै रहेको विश्वास दिलाउने जोशी परिवारले बताएको समेत पोस्टले उल्लेख गरेको छ। यतिखेर जोशीकी आमा र बहिनी अमेरिकामा जोशीको रिहाईको लागि संयूक्त राष्ट्र संघको सभामा दवाव दिन केहि दिनदेखि भ्रमणमा रहेका छन ।
इजरायली गुप्तचर इकाइहरूले नेपाली बन्दी बिपिन जोशीको भिडियो प्राप्त गरेको र उक्त भिडियो बुधबार साँझ सार्वजनिक गरिने जनाइएको छ । जोशी परिवारले एक विज्ञप्तिमा भने अनुसार “गाजाबाट फेला परेको यो जीवनको प्रमाण, जुन हामी आज तपाईंहरूसँग साझा गर्दैछौं, यसले हामीलाई उहाँ जीवित हुनुहुन्छ भन्ने अटुट विश्वास दिलाउँछ । ” जोशी अक्टोबर ७ को हत्याकाण्ड हुनुभन्दा तीन हप्ता अघि मात्र कृषि शिक्षा कार्यक्रमका लागि इजरायल पुगेका थिए । उहाँलाई किब्बुट्ज अलुमीमबाट अपहरण गरिएको थियो, जहाँ अन्य नेपाली नागरिकहरू पनि बसोबास गर्दै आएका थिए ।
द वॉल स्ट्रिट जर्नलले नोभेम्बर २०२३ मा प्रकाशित गरेको एक रिपोर्टअनुसार, जोशीले आफ्नो आश्रयस्थलमा लुकेका सबैको ज्यान बचाएका थिए । दुई वटा ग्रिनेड झ्यालरहित कोठामा प्रवेश गरेपछि उहाँले तीमध्ये एउटा समातेर बाहिर फ्याँकेका थिए। दोस्रो ग्रिनेड भने विस्फोट भयो, जसले उनका पाँच साथीहरूलाई गम्भीर घाइते बनायो ।
जोशीलाई हमासले अपहरण गरी गाजामा लगेको र केही समय शिफा अस्पतालमा राखेको बताइन्छ। उक्त अस्पतालमा उनलाई राखिएको देखाउने भिडियो बाहेक उनको जीवित अवस्थाबारे धेरै प्रमाण प्राप्त भएको थिएन । यस वर्षको सुरुवातमा अमेरिकी राष्ट्रपति डोनाल्ड ट्रम्पले जोशीको अवस्थाप्रति चिन्ता व्यक्त गरेका थिए । यद्यपि, तेल अविभस्थित नेपाली दूतावासले दिएको जानकारीअनुसार, ट्रम्पको भाषणअघि उक्त जानकारी उनीहरूलाई दिइएको थिएन । समाचार अनुसार अमेरिकी राष्ट्रपति ट्रम्पले समेत बन्दी रिहाईमा कडाईका साथ चेतावनी दिएपछि यस्तो समाचार आएको हो .
जोशी नेपालको पश्चिमी सुदूर गाउँ बिसपुरी महेन्द्रनगरका बासिन्दा हुन्, जहाँ उनका परिवार बसोबास गर्छन् । उनको गाउँ भारतसँगको सीमाक्षेत्रमा अवस्थित छ। परिवारको समर्थनमा उहाँ इजरायल पुगेका थिए र इजरायली श्रम बजारमा नयाँ पुस्ताका नेपाली कामदारहरूको प्रतिनिधित्व गर्दै आएका थिए ।
https://www.timesofisrael.com/liveblog_entry/family-of-nepali-hostage-bipin-joshi-publish-video-from-shortly-after-october-7/
