आफुले चुनाव जितेमा आप्रवासीलाई आश्रय दिने भन्दै न्युयोर्क सिटीको मेयरमा जोहरान माम्दानी निर्वाचित भएपछि न्यूयोर्क राष्ट्रपति डोनाल्ड ट्रम्पद्धारा आप्रवासीमाथी कडाई गर्ने संकेत शुरु भएको छ । जसका कारण न्यूयोर्कको आप्रवासीको बढी बसोवास रहेको क्षेत्रहरुमा त्रास फैलिएको स्थानीय समाचारहरुले बताएका छन । क्वीन्स, ज्याक्सन हाई्टलगायतका विभिन्न क्षेत्रमा आइसको गतिविधि बढेको भन्दै नेपाली र भारतीय समुदायमा त्रास फैलिएको छ । सामाजिक सञ्जालका विभिन्न च्यानलहरुमा नेपालीमाझ त्यस्ता सन्देशहरु प्रवाह भइरहेका छन् । आइस आफैले भने क्वीन्समा गतिविधि बढाएकोबारे कुनै सार्वजनिक पुष्टी गरेको छैन । ज्याक्सनहाइट र क्वीन्सको विभिन्न क्षेत्रमा आइस देखिएको बताइए पनि नियमित कारबाही बाहेक अरु केहि नभएको बुझिएको छ ।
न्युयोर्क सिटीको मेयरमा जोहरान माम्दानीको विजयपछि राष्ट्रपति डोनाल्ड ट्रम्पले संघीय शक्तिको प्रयोग गरेर न्युयोर्क शहरलाई सजाय दिनसक्ने आशंका बढेको छ । हालै न्युयोर्क सिटीको चाइनाटाउनमा भएको आइसको कारवाहीपछि यो त्रास र आशंका अझै बढेको छ । जसले सामाजिक सञ्जालमा चिन्ताका सन्देशहरू देखिएका हुन् । राष्ट्रपति ट्रम्पले माम्दानी कम्युनिष्ट भएको बताउँदै आएका छन र उनले जितेमा केन्द्रिय सरकारबाट दिईने बजेट कटौति गर्ने बताएका थिए ।
