ईरानले दुवई र कतार लगायत अमेरिकाको आर्मी बेसमा आक्रमण गर्न थालेपछिको घटनामा एक नेपालीको निधन भएको छ । सो घटनाले यथार्थ भन्दा बढी सामाजिक सन्जालमा सनसनी फैलाएको भन्दै दुवई प्रहरीले घटनाको भिडियो सामाजिक सन्जालमा राखेको पाइएको आफ्नो नागरिकलाई कारबाही गर्ने र विदेशीलाई डिपोर्ट गर्ने सुचना जारी गरिएको छ । खासगरी यस्तो अवस्थामा ठुलो सख्यामा रहेका नेपालीहरुले यस विषयमा ख्याल गर्नुपर्ने अवस्था श्रृजना भएको छ । दुबई प्रहरीले विमानस्थल र दुबई क्षेत्रका कुनै पनि भिडियो खिचेर सामाजिक सञ्जालमा पोस्ट नगर्न अनुरोधात्मक चेतावनी दिएको हो ।
दबई, कतारलगायतका मध्यपूर्वमा भइरहेको इरान अमेरिका तनाव क्रममा भिडियो खिचेर सामाजिक सञ्जालमा पोस्ट गर्नेहरुलाई प्रहरीले त्यस्ता भिडियो पोस्ट नगर्न, डिलिट गर्न र कसैलाई पनि नपठाउन आग्रह गरेको हो । ‘यसले तपाईं र हाम्रो सुरक्षा र हित गर्दैैन,’ प्रहरीले भिडियो सन्देशमा भनेका छन्, ‘यसले अर्को वर्गलाई मात्र फाइदा पुग्छ, सबै भिडियो खिच्दै पोस्ट गर्न माहिर हुनुहुन्छ र अर्को पक्षले सजिलै फाइदा लिइरहेको छ, यसैले यो काम बन्द गर्नुहोस् ।’ प्रहरीले भनेको छ, ‘यदि काम रोकिएन र भिडियो खिच्ने फेला परे डिपोर्टसम्मको कारबाही गर्न बाध्य हुनेछौँ ।’
मध्यपूर्व (खाडी) देशहरूमा १७ लाख २९ हजारभन्दा बढी नेपाली रहेका छन् ।
परराष्ट्र मन्त्रालयका अनुसार मध्यपूर्वी देशमा १७ लाख २९ हजार २ सय ८८ नेपाली छन् । वैदेशिक रोजगारी, अध्ययन तथा अन्य प्रयोजनका लागि ती देश गएका नेपालीको यकिन संख्या मन्त्रालयले सार्वजनिक गरेको हो ।
परराष्ट्र मन्त्रालयका मध्य एसिया, पश्चिम एसिया तथा अफ्रिका महाशाखाका सहसचिव रामकाजी खड्काका अनुसार हाल इरानमा ६ जना नेपाली छन् ।
इजरायल र अमेरिकाले शनिबार इरानमा हवाई आक्रमण गरेको थियो । आक्रमणमा परेर इरानका सर्वोच्च नेता आयतोल्लाह अली खामेनीको मृत्यु भएको अन्तर्राष्ट्रिय सञ्चारमाध्यमहरूले जनाएका छन् ।
उनको हत्यापछि इरानले खाडी मुलुकमा रहेका अमेरिकी सैन्य बेस क्याम्पहरूमा आक्रमण गर्दै आएको छ । जसले गर्दा ती देशमा रहेका नेपालीको सुरक्षाप्रति चिन्ता र चासो व्यक्त हुँदै आएको छ ।
परराष्ट्र मन्त्रालयले आज गरेको पत्रकार सम्मेलन मार्फत ती देशमा रहेका नेपालीको यकिन संख्याबारे जानकारी दिएको हो । इरान, युनाइटेड अरब इमिरेट्स (यूएई), साउदी अरब, कतार, कुवेत, इराक, बहराइन, ओमान, साइप्रस, इजरायल, लेबनान र इजिप्टमा उक्त संख्यामा नेपाली रहेको सहसचिव खड्काले बताए ।
उक्त तथ्यांक मध्यपूर्वस्थित नेपाली राजदूतावासहरूबाट लिखित रूपमा प्राप्त भएको उनको भनाइ छ । त्यहाँको सरकारी निकायबाट परराष्ट्र मन्त्रालय मार्फत उपलब्ध भएको तथ्यांक रहेको र यसमा अवैध रूपमा बस्दै आएका नेपालीको संख्या नहुन सक्ने बताए ।
