नेपालस्थित अमेरिकी दूतावासका कार्यरत सार्वजनिक मामिला प्रमुख माइक हार्करले विश्वको सर्वोच्च शिखर सगरमाथा सफलतापूर्वक आरोहण गरेका छन्। पर्वतारोहण र कूटनीतिक सम्बन्ध दुवै क्षेत्रमा उल्लेखनीय उपलब्धि मानिएको उक्त आरोहण उनले मे २० तारिक बिहान ९ः१० बजे सगरमाथाको शिखरमा पुगेर सम्पन्न गरेका हुन्। पर्वतारोहण र कूटनीतिक सम्बन्धका लागि एउटा ऐतिहासिक उपलब्धिका रूपमा, अमेरिकास्थित अमेरिकी दुतावासका पब्लिक अफेयर्स प्रमुख माइक हार्कर विश्वको सर्वोच्च शिखर आरोहण गर्ने नेपालमा कार्यरत पहिलो अमेरिकी कुटनीतिज्ञ बनेका छन्।
कूटनीतिक सेवामा रहँदै विश्वको सर्वोच्च शिखरमा पाइला टेक्ने ऐतिहासिक कीर्तिमान स्थापित गरेका छन्। यो उपलब्धिलाई अमेरिकाको २५०औँ स्वतन्त्रता दिवस “फ्रिडम २५०” का लागि गर्वको क्षण बनेको छ, जसले अमेरिकी आत्मबल, दृढता र अन्वेषणको भावनालाई स्मरण गराउँछ भन्दै नेपाल स्थित अमेरिकी दुतावासले आफ्नो प्रेश विज्ञप्तिमा उल्लेख गरेको छ ।
हार्करले सन् २००६ मा अन्नपूर्ण आधार शिविरको पदयात्राका क्रममा पहिलो पटक नेपालसँग जोडिएपछि उनले त्यसयता हिमालय क्षेत्रसँग निरन्तर सम्बन्ध विस्तार गर्दै आएका थिए। कुटनीतिज्ञ “माइकको यो अभियान सन् २००६ मा अन्नपूर्ण आधार शिविरको पदयात्राबाट सुरु भएको करिब २० वर्ष लामो यात्राको परिणाम हो, जसले उनको नेपालसँगको जीवनभरको सम्बन्धलाई प्रारम्भ गरेको थियो।”, नेपालस्थित अमेरिकी दूतावासले उल्लेख गरेको छ ।
दूतावासले यो सफलतालाई अमेरिका–नेपालबीच झण्डै आठ दशकदेखि कायम मैत्री सम्बन्धलाई थप सुदृढ बनाउने प्रतीकका रूपमा समेत व्याख्या गरेको छ। साथै, दिगो साहसिक पर्यटनले अन्तर्राष्ट्रिय सम्बन्ध विस्तारसँगै स्थानीय अर्थतन्त्रमा सकारात्मक योगदान पुर्याउने सन्देश यसले दिएको उल्लेख गरिएको छ।
त्यसैगरी, आरोहणले नेपालका शेर्पा समुदायको साहस, उच्चस्तरीय दक्षता र समर्पणलाई विशेष रूपमा उजागर गरेको दूतावासले जनाएको छ। हिमाली पर्वतारोहणको मेरुदण्डका रूपमा परिचित शेर्पा समुदायको योगदानबिना यस्तो उपलब्धि सम्भव नहुने पनि उल्लेख गरिएको छ। दुतावासको विज्ञप्तिमा यो आरोहणले नेपालको शेर्पा समुदायको साहस, विश्वस्तरीय दक्षता र समर्पणलाई उजागर गरेको छ। हिमाली पर्वतारोहणको वास्तविक आधारस्तम्भ उनीहरू नै हुन्, र उनीहरूको योगदानबिना यो उपलब्धि सम्भव हुने थिएन। सगरमाथाको संरक्षण गर्नु अत्यन्त आवश्यक छ, ताकि यो विश्वप्रसिद्ध सम्पदाले आगामी पुस्तासम्म हिमाली समुदायलाई सहयोग पुर्याउँदै साहसिक यात्रुहरूलाई प्रेरित गरिरहोस् भन्दै शुभकामना व्यक्त गरिएको छ ।
