क्यानडाको ब्राम्पटन सहरमा शनिबार तेस्रो नेपाल फेस्टिबल–२०२६ सम्पन्न भएको छ । लालीगुराँस स्पोट्र्स एण्ड कल्चरल क्लबको आयोजनामा शनिबार सम्पन्न भएको हो । नेपाली कला–संस्कृति, गीत–संगीत, वेशभूषा, नेपाली खानाका परिकार, नेपाली हस्तकला र विभिन्न नेपाली उत्पादनको संरक्षण, संवर्द्धन र प्रवर्द्धन गर्ने महोत्सवको मुख्य उद्धेश्य रहेको बताइएको छ ।
ब्राम्पटन सिटीको सपर वल्र्ड कम्प्लेक्स को प्राङ्गणमा क्यानडाको समय दिउँसो १ बजेबाट बेलुकी ९ बजे सम्म सञ्चालन भएको महोत्सवमा विभिन्न नेपाली खानाको परिकारका स्टल सहित करिब ३० भन्दा बढी व्यावसायिक र सामाजिक स्टल पनि रहने लालीगुराँस स्पोट्र्स एण्ड कल्चरल क्लबका महासचिव एवं ुनेपाल फेस्टिवल–२०२६ मुल समारोह समितिका सदस्य धर्म न्यौपानेले जानकारी दिए।
महोत्सवमा गुरूङ, तामाङ, शेर्पा, नेवार, थारू, मधेसी लगायतका विभिन्न जातजातिका वेशभूषा सहितको झाँकी र नृत्यहरू र लाखेनाच पनि प्रस्तुत भएका थिए ।
कार्यक्रममा १० हजार जना भन्दा बढीको सहभागीता रहेको थियो ।
