परराष्ट्रमन्त्री शिशिर खनाल र क्यानडाकी विदेशमन्त्री अनिता आनन्दबीच मंगलबार टेलिफोनका कुराकानी भएको छ । टेलिफोन वार्ताका क्रममा दुई मन्त्रीबीच हालै नेपालमा गएको बाढीपहिरोका कारण भएको क्षति तथा विनाशबारे छलफल भएको थियो ।
क्यानडाकी विदेशमन्त्री आनन्दले यस दुखद् घडीमा नेपाल र नेपाली जनताप्रति आफ्नो गहिरो समवेदना तथा ऐक्यबद्धता प्रकट गरेकी थिइन् । परराष्ट्रमन्त्री खनालले क्यानडा सरकारले उपलब्ध गराएको पाँच मिलियन क्यानेडियन डलरको सहायता तथा संयुक्त कोषबाट थप १०० मिलियन क्यानेडियन डलर दिने प्रतिबद्धताका लागि धन्यवाद व्यक्त गरेका थिए
त्यसैगरी परराष्ट्रमन्त्री शिशिर खनाल र मलेसियाका विदशमन्त्री दातो श्री उतामा हाजी मोहामद हाजी हसनबीच सोमबार टेलिफोन वार्ता भएको छ । वार्ताका क्रममा मलेसियाका विदेशमन्त्रीले हालै बाढीले नेपालमा गरेको जनधनको क्षतिप्रति दुःख व्यक्त गरेका थिए । मलेसियाका विदेशमन्त्रीले नेपालले पहिचान गरेका आवश्यकताका आधारमा थप सहायता उपलब्ध गराउन मलेसिया तयार रहेको बताएका थिए ।
परराष्ट्रमन्त्री खनालले मलेसियाले उपलब्ध गरेको सहयोगका लागि हार्दिक आभार व्यक्त गरे । बेपत्ता व्यक्तिहरूको निरन्तर खोजीका साथै नेपाल सरकारले भइरहेका खोज, उद्धार, राहत तथा पुनर्लाभका प्रयासहरूबारे जानकारी गराएका थिए ।
