प्रहरी महानिरीक्षकमा वसन्तबहादुर कुँवर नियुक्त भएदेखि नै प्रहरीमा वरीयता मिचिएको थिएन । कार्यक्षमताका आधारमा बढुवा हुँदै आएको थियो । जसका कारण प्रहरीभित्र आईजिपी प्रति सबैको सदभाव थियो । विडम्बना सबैलाई गरेर देखाउँछु भन्दै हल्ला गरैका व्यक्ति रवि लामीछाने गृहमन्त्रि भएपछि कुँवरको केही जोड चलेन अन्तत बढुवामा अहिलेसम्म नभएको गाई जात्रा पहँचका आधारमा बढुवा गरियो । जन्नेसुन्नेहरु भन्छन गृहमन्त्रीमा रवि लामिछाने आएपछि भने नेताको पहुँचवाला मात्रै बढुवा भए बढुवा हुनुपर्ने एक नम्बरका मान्छेको बढुवा भएन ।
नेताको पहुँचका प्रहरी नायव उपरीक्षक ९डीएसपी० लाई प्राथमिकता दिँदै नेपाल प्रहरीमा रिक्त ८ जना प्रहरी उपरक्षिक ९एसपी० मा बढुवा सिफारिस गरिएको छ। डीएसपीको वरीयतामा निकै पछाडि रहेका प्रधानमन्त्री पुष्पकमल दाहाल प्रचण्ड र पूर्वप्रधानमन्त्री एवम् एमाले अध्यक्ष केपी शर्मा ओलीका पीएसओलाई बढुवा गरिएको छ। तर पहिलो नम्बरमा रहेका डीएसपी प्रदीप क्षेत्री भने ८ जना बढुवा हुँदा पनि छुटेका छन्। ६ महिनादेखि रिक्त रहेका एसपीमा प्रतिस्पर्धी १२ डीएसपीमध्ये क्षेत्री पहिलो नम्बरमा थिए।
डीएसपीको वरियतामा अन्तिममा रहेका प्रधानमन्त्री प्रचण्डका पूर्वपीएसओ बिनोद घिमिरे बढुवा भएका छन्। डीएसपीमा तेस्रो नम्बरमा रहेका ढकेन्द्र खतिवडा पहिलो नम्बरमा बढुवा भएका छन्। अंगुर जिसी र यादव ढकाललाई वरीयतामा कायम राख्दै बढुवा गरिएको छ। पूर्वप्रधानमन्त्री ओलीका पूर्वपीएसओ सन्तोष तामाङले फड्को मारेका छन्। तामाङलाई चौथो नम्बरमा सिफारिस गरिएको छ।
यसअघि २०८० वैशाख १९ गते २२ जना एसपी बढुवा गर्दा उनीहरुकै ब्याचबाट वरीयताअनुसार गरिएको थियो। तर कार्यक्षेत्रमा राम्रो हुँदाहुँदै पनि वरीयतामा अगाडि रहेको भन्दै केही विवादित डीएसपी एसपी भएका थिए।
