सञ्चारकर्मी मनोज बस्नेतलाई युनेस्को युथ पिस एम्बेसडर अवार्ड प्रदान गरिएको छ। अमेरिकाको लस एन्जलसमा आयोजित १८औँ युथ पिस एम्बेसडर ट्रेनिङ वर्कसप समारोहमा बस्नेतलाई अवार्ड प्रदान गरिएको हो । गैरनाफामुखी संस्थाको रूपमा काम गरिरहेको युथ युनेस्को क्लब, अमेरिकालगायत नौवटा अन्तर्राष्ट्रिय संस्थाले संयुक्त रूपमा सन् २०२४–२५ का लागि सो अवार्ड प्रदान गरेका हुन् ।
‘मिडियामा रही बस्नेतले युवा र शान्तिका लागि निभाएको भूमिकाको मूल्यांकन गरी यो अवार्ड दिएका अमेरिकी युनिभर्सिटी सोभर नेसन युएसएका प्रेसिडेन्ट प्रो।डा। ड्यालरले बताएका छन ।
सन् २०११ देखि विभिन्न क्षेत्रमा रही युवा र शान्तिका लागि योगदान पुर्याउने व्यक्तिहरूलाई हरेक वर्ष यो अवार्ड प्रदान हुँदै आएको छ। ‘मिडियामा युवा र शान्ति’ विधाबाट बस्नेतले अवार्ड पाएका युथ युनेस्को क्लब युएसएका प्रेसिडेन्ट रिमेश खनालले बताए। ‘यो अवार्डसँगै अब उहाँहरूले अन्तर्राष्ट्रिय फोरमहरू पाउनुहुनेछ,’ खनालले भने ‘संसारभरबाट विभिन्न विधामा रही युवा र शान्तिका लागि योगदान पुर्याउने सयौँबाट उहाँलाई यसका लागि योग्य ठहराई एम्बेसडर प्रदान गरेका हौँ।
