अमेरिकाका लागि नेपाली राजदूत लोकदर्शन रेग्मीले आजबाट अमेरिकाको दुतावसमा कार्यभार सम्हालेका छन । तत्कालीन राजदूत श्रीधर खत्री फिर्ता भएपछि वासिङ्टन डिसीमा सात महिनादेखि नेपाली राजदूत खाली थियो । नेपालमा राजदुतको सपथ खाएको ३ महिनापछि राजदुत रेग्मी अमेरिकामा कार्यभार सम्हाल्न आएका हुन । लामो समय कार्यभार सम्हाल्न नगएको भन्दै राजदुत रेग्मीको कुटनीतिक बृतमा चर्चा भएको थियो । अमेरिकी सरकारले उनको नाममा स्वीकृति एग्रिमो पठाएपछि राष्ट्रपति पौडेलले २५ कात्तिकमा अमेरिकाका लागि राजदूत नियुक्त गरेका थिए । त्यसपछि पनि लामो समय कार्यभार सम्हाल्न नजाँदा विभिन्न प्रश्नहरु उठेका थिए । प्राय राजदुतहरु एग्रिमो आएपछि तत्काल कार्यभार सम्हाल्न जान्छन ।
अघिल्लो सोमबार रेग्मी परराष्ट्र मन्त्रालयमा पुगेर आफु अमेरिका जान लागेको बताएका थिए । ‘रेग्मीसँग सिफारिस भएका, नियुक्त भएका र शपथग्रहण गरेका सबैजना राजदूत कार्यक्षेत्र पुगेर जिम्मेवारी सम्हालिसकेका छन् । पूर्वमुख्यसचिवसमेत रहेका रेग्मी एमाले कोटाबाट राजदूत नियुक्त भएका हुन् । यसअघि पनि उनी एमालेकै कोटामा बेलायतका लागि राजदूत भएका थिए । लामो समय कार्यक्षेत्रमा नगएको भन्दै परराष्ट्र मन्त्रालयले जानकारी माग्दा राजदुत रेग्मीले बताउन अटेर गरेको चर्चा परराष्ट्र मन्त्रालयमा छ ।
अमेरिकाबाट राजदूत खत्री फिर्ता भएपछि परराष्ट्र मन्त्रालयका सहसचिवले कार्यवाहक राजदूत चलाउँदै आएका थिए । सहसचिव कुमारराज खरेल कार्यवाहक राजदूत रहेकामा उनको कार्यकाल सकिएपछि वासिङ्टन डिसीमा नियोग उपप्रमुखका रूपमा सरुवा भएका सहसचिव शरदराज आरण हाल कार्यवाहक राजदूत भएर सम्हालेका थिए । रेग्मीलाई सरकारले अमेरिकाको राजदूतका रूपमा १४ साउनमा सिफारिस गरेको थियो । उनको नाम सिफारिसलाई २७ भदौमा संसदीय सुनुवाइ समितिले अनुमोदन गरेको थियो । अमेरिकाका लागि राजदूत रेग्मीले १६ मंसिरमा राष्ट्रपति पौडेलबाट राजदूत पदको शपथग्रहण गरेका थिए ।
