अबैध आप्रवासनको मुख्य प्रथान विन्दु मानिएको टेक्सासले राष्ट्रपति निर्वाचनमा डोनाल्ड ट्रम्पले जितेपछि अबैध आप्रवासनलाई थप कडाई गर्न थालेको छ । टेक्सास राज्यका गर्भनर ग्रेग अवर्टको कार्यालयले जारी गरेको विज्ञप्ति अनुसार सम्भावित अबैध आप्रवासन रोक्ने प्रयासहरुलाई थप कडाई गरेको जनाएको हो । गभर्नर ग्रेग एबोट, टेक्सास डिपार्टमेन्ट अफ पब्लिक सेफ्टी र टेक्सास नेशनल गार्डले सीमा सुरक्षित गर्न सँगै काम गर्न जारी राखेको जनाउँदै टेक्सासमा लागूपदार्थ, हतियार र मानिसहरूको तस्करी रोक्न र प्रवेश पोर्टहरू बीचको अन्तरदेशीय आपराधिक गतिविधिलाई रोक्न, पत्ता लगाउन र निषेध गर्न अदेश दिएको जनाएको छ ।
अबैध आप्रवासन रोक्न भन्दै अपरेशन लोन स्टारको सुरुवात भएदेखि, एजेन्सीहरुको प्रयासले ५ लाख २५ हजार ८ सय भन्दा बढी अवैध आप्रवासी र ४८ हजार ५ सय भन्दा बढी आपराधिक गिरफ्तारीहरू, ४१ हजार ८ सय भन्दा बढी जघन्य आरोपहरू पक्राउ गरेको जनाएको छ । त्यहि अवधिमा सुरक्षाकर्मीले ५ सय ५२ मिलियन घातक फेन्टानिल जफत गरेको गर्भनरको कार्यलयबाट जारी विज्ञप्तिमा जनाएको छ ।
टेक्सासमा आएका र समातिएका अबैध आप्रवासीहरुलाई अन्य राज्यहरुमा पठाएको तथ्यांक पनि सार्वजनिक गरेको छ । टेक्सासले अबैध आप्रवासनलाई रोक्न सबै पहल जारी राख्ने जनाएको छ । टेक्सासले केहि अबैध आप्रवासीलाई अमेरिकाका विभिन्न सेन्चुरी सिटीहरुमा पठाउने गरेको छ । जसमा टेक्सासले मात्रै वासिङ्टन डीसीमा १२ हजार ५०० भन्दा बढी, न्यूयोर्क शहरमा ४५ हजार ९०० भन्दा बढी, शिकागोमा ३६ हजार ९०० भन्दा बढी, फिलाडेल्फियामा ३ हजार ४०० भन्दा बढी , डेनभरमा १९ हजार र लस एन्जलसमा १५ हजार भन्दा बढी आप्रवासीहरू पठाएको तथ्यांक पनि सार्वजनिक गरेको छ । सबै भन्दा बढी न्यूयोर्कमा पठाएका त्यस्ता आप्रवासीहरुले लुटपाट गर्ने हत्या हिंसामा संलग्न हुने गतिवधि बढाउँदै लगेको समाचार आएका छन । स्मरणीय रहोस टेक्सासका गर्भनर कट्टर आप्रवासन विरोधी मानिन्छ ।
राष्ट्रपति ट्रम्पले पनि आफ्नो पहिलो दिनबाटै आप्रवासी कसरी डिर्पोटेहन गर्ने भन्दै तयारी रहेको बताउँदै आएका छन । त्यसैगरी ट्रम्पले राष्ट्रपति जितेपछि दिन सक्ने आदेशहरु कसरी कार्यन्वयन गर्ने भन्दै सुरक्षा निकाय त्यसको तयारी गरिरहेको बताइएको छ । ठुलो सख्यामा अबैध आप्रवासी फिर्ता पठाउन ठुलो संख्यामा सुरक्षाकर्मीका आवश्यकता गर्ने भएकोले त्यहि अनुसार तयारी शुरु भएको जनाइएको छ ।
अमेरिकी राष्ट्रपतिमा निर्वाचित डोनाल्ड ट्रम्पले देशभित्र सैन्य बल तैनाथ गर्न र ठूलो संख्यामा गैरराजनीतिक कर्मचारीहरूलाई बर्खास्त गर्ने आदेश दिएको खण्डमा कस्तो प्रतिक्रिया दिने भन्नेमा अमेरिकी रक्षा मन्त्रालय पेन्टागनका अधिकारीहरू छलफलमा जुटेका छन् । ट्रम्पले अमेरिकाभित्र कानुन कार्यान्वयन र गैरकानुनी आप्रवासीलाई डिपोर्ट गर्न सेना प्रयोग गर्ने बताउँदै आएका छन् । त्यसका साथै भ्रष्टहरूलाई अमेरिकी राष्ट्रिय सुरक्षा निकायबाट निस्कासन गर्ने बताएका छन् ।
अघिल्लो कार्यकालमा ट्रम्पको जर्नेल मार्क मिलिसहित उनका कतिपय वरिष्ठ सैन्य नेतृत्वसँगको सम्बन्ध तनावपूर्ण बनेको थियो । ज्वइन्ट चिफ अफ स्टाफका अध्यक्ष रहेका बेला मिलिले ट्रम्पको आणविक हतियार प्रयोग गर्ने क्षमतालाई सीमित गर्न कदम चालेका थिए । त्यसको प्रतिक्रियामा ट्रम्पले बारम्बार अमेरिकी सैनिक जर्नेलहरू ‘कमजोर र प्रभावविहीन’ भएको बताउने गरेका छन् ।
राष्ट्रपतिमा ट्रम्प निर्वाचित भएसँगै पेन्टागनका अधिकारीहरूले विभिन्न परिदृष्यहरूको सामना गरिरहेको छ । ‘हामी सबै तयारी गर्दैछौं र सबैभन्दा खराब अवस्थाका लागि पनि योजना बनाइरहेका छौं । तर वास्तविकता यो हो कि हामीलाई अब के हुँदै छ भन्ने थाहा छैन,’ एक रक्षा अधिकारीले सीएनएनसँग भनेका छन् । ट्रम्पको जितसँगै पेन्टागनभित्र पनि प्रश्न खडा भएको छ । यदि राष्ट्रपतिले गैरकानुनी आदेश जारी गरे भने के गर्ने भन्नेमा रक्षा अधिकारीहरूमा अन्योल छाएको सीएनएनले जनाएको छ । ‘सैनिकहरू कानुनद्वारा अवैध आदेशहरूको अवज्ञा गर्न बाध्य छन्,’ अर्का रक्षा अधिकारीले भने, ‘तर प्रश्न यो छ कि त्यसपछि के हुन्छ के हामी वरिष्ठ सैन्य अधिकारीहरूको राजीनामा देख्छौं
यस्तो अवस्थामा ट्रम्पले पेन्टागनको नेतृत्व कसलाई दिन्छन् भन्ने पनि महत्वपूर्ण छ । यद्यपि ट्रम्प र उनको टोलीले अघिल्लो कार्यकालमा सेनासँग रहेको ‘शत्रुतापूर्ण’ अन्त्यका लागि प्रयास गर्नेमा अधिकारीहरूले आशा गरेका एक अधिकारीले बताएका छन् ।
