अमेरिकामा पत्रकार भिसाका लागि आवेदन दिने र अमेरिकामा रहेर पत्रकारिता गर्ने भिषाधारीहरुका लागि आफ्नो सामाजिक सन्जाल खुल्ला राख्नुपर्ने भएको छ । विदेशी पत्रकारले अक्टोबर १ देखि आफ्ना सामाजिक सञ्जालका खाताहरू सार्वजनिक रूपमा हेर्न मिल्ने बनाउनुपर्ने भएको अमेरिकी विदेश मन्त्रालयले भिसा जाँचसम्बन्धी नीतिमा विस्तार गर्दै यस्तो व्यवस्था गरेको हो। यो व्यवस्था आई भिसाका लागि आवेदन दिनेहरूमा लागू हुनेछ। आई भिसा सामान्यतया विदेशी समाचार संस्था वा सञ्चारमाध्यमका प्रतिनिधिलाई अमेरिकामा अस्थायी रूपमा पत्रकारिता कार्य गर्न दिइन्छ।

सेप्टेम्बर १८ मा अद्यावधिक गरिएको मन्त्रालयको सूचनाअनुसार यो व्यवस्था अन्य केही गैरआप्रवासी भिसामा पहिलेदेखि लागू हुँदै आएको अनलाइन उपस्थिति जाँचलाई थप श्रेणीमा विस्तार गरिएको हो। अमेरिकी विदेश मन्त्रालयले भिसा आवेदनको स्क्रिनिङ तथा जाँच गर्दा उपलब्ध सबै स्रोतबाट प्राप्त सूचनामा निर्भर रहने जनाएको छ। यसको उद्देश्य अमेरिकामा प्रवेशका लागि अयोग्य हुन सक्ने आवेदकको पहिचान गर्नु हो, जसमा राष्ट्रिय सुरक्षा वा सार्वजनिक सुरक्षाका लागि खतरा हुन सक्ने व्यक्तिहरू पनि पर्छन्। मन्त्रालयले सबै भिसा आवेदकमा यही कडा जाँच मापदण्ड समान रूपमा लागू गर्ने जनाएको छ।

विदेश मन्त्रालयका अनुसार, प्रत्येक भिसा निर्णय मूलतः राष्ट्रिय सुरक्षासँग सम्बन्धित निर्णय हो। भिसा जारी गर्ने प्रक्रियाभरि अमेरिकाले आवेदकले अमेरिकी नागरिकलाई हानि पुर्‍याउने वा अमेरिकी हितमा खतरा उत्पन्न गर्ने उद्देश्य नराखेको सुनिश्चित गर्न सतर्कता अपनाउनेछ। त्यसैगरी, प्रत्येक आवेदकले आफूले माग गरेको भिसाका लागि योग्य रहेको र अमेरिकामा प्रवेश गरेपछि भिसाका सर्तहरू पालना गर्ने वास्तविक तथा विश्वसनीय उद्देश्य रहेको प्रमाणित गर्न सक्नुपर्ने मन्त्रालयले जनाएको छ।

अमेरिकामा कार्यरत विदेशी पत्रकारका लागि I-भिसा अमेरिकी पत्रकारिता तथा अन्तर्राष्ट्रिय सञ्चारको महत्वपूर्ण माध्यम हो। विदेश मन्त्रालयले वासिङ्टन डीसी र न्यूयोर्कस्थित Foreign Press Centers मार्फत विदेशी पत्रकारलाई प्रेस credential, briefing, reporting tour तथा अमेरिकी सरकारी अधिकारी र अन्य स्रोतसम्म पहुँच उपलब्ध गराउँदै आएको छ।

नयाँ व्यवस्थापछि अमेरिकामा पत्रकारिताका लागि आउन चाहने विदेशी सञ्चारकर्मीले भिसा आवेदनसँगै आफ्नो डिजिटल उपस्थिति पनि अमेरिकी भिसा screening प्रक्रियाको हिस्सा बन्न सक्ने अवस्थाका लागि तयार हुनुपर्नेछ।

यद्यपि, अमेरिकी विदेश मन्त्रालयले १,५०० भन्दा बढी accredited विदेशी पत्रकारमध्ये कति जना नयाँ व्यवस्थाबाट प्रत्यक्ष प्रभावित हुनेछन् भन्ने छुट्टै संख्या सार्वजनिक गरेको छैन। त्यसैले १,५०० को संख्यालाई I-भिसा धारकको कुल संख्या वा नयाँ screening अन्तर्गत पर्ने पत्रकारको ठ्याक्कै संख्या भनेर बुझ्न मिल्दैन।

अमेरिकी विदेश मन्त्रालयका अनुसार अमेरिकी भिसा प्राप्त गर्नु सरकारको विवेकाधीन निर्णयबाट प्रदान गरिने सुविधा हो, स्वतः प्राप्त हुने अधिकार होइन।

१,५०० भन्दा बढी भन्ने संख्या I-भिसा धारकको कुल संख्या भने होइन। यो Foreign Press Centers बाट accreditation प्राप्त गरेका विदेशी पत्रकारको संख्या हो। विदेश मन्त्रालयको नियमअनुसार लामो समयका लागि अमेरिकामा काम गर्ने तथा छोटो अवधिको reporting assignment का लागि आउने विदेशी सञ्चारकर्मी दुवैले Foreign Press Center credential का लागि आवेदन दिन सक्छन्।