अमेरिकी राष्ट्रपति डोनाल्ड ट्रम्प प्रशासनले शुक्रबार हजारौ अन्तर्राष्ट्रिय विद्यार्थीहरूको रद्द गरिएका भिषाहरु पुर्नस्थापना गरिएको छ । साथै त्यसरी रद्द गर्ने प्रक्रिया पनि केहि आफ्नो निर्णयलाई अचानक फिर्ता लिएको छ । वाशिङ्टनमा भएको अदालती सुनुवाइमा इमिग्रेशन र कस्टम्स इन्फोर्समेन्ट आईसले नीतिमा ठूलो परिवर्तन गरेको घोषणा गरेपछि ती विधार्थीहरुको भिषा कायम रहेको हो ।
डिपार्टमेन्ट अफ जस्टिसका वकिल जोसेफ एफ कारिलीका अनुशार इमिग्रेशन अधिकारीहरूले अन्तर्राष्ट्रिय विद्यार्थीहरूको भिसा समीक्षा र रद्द गर्ने नयाँ प्रणालीमा काम शुरू गरेको बताएका छन । अब यो प्रक्रिया पूरा नहुँदासम्म थप परिवर्तन वा रद्द नगरिने जनाएको द गार्जियनले समाचार छापेको छ ।
विभिन्न अदालतमा भएको सुनुवाइको क्रममा यो नीतिगत परिवर्तनको घोषणा गरिएको बताइएको छ । जसमा आठवटा छुट्टाछुट्टै मुद्दाहरूलाई एकसाथ हेरिएको थियो । ती मुद्दा दायर गर्ने विद्यार्थीहरूले संघीय सरकारले आफूहरूको अमेरिका बस्ने अधिकार बिना कुनै उचित कानुनी प्रक्रिया अन्त्य गरेको आरोप लगाएका थिए । त्यसरी भिषा रद्द कार्यक्रमहरुले विधार्थीहरुमा त्रास उत्पन्न भएको थियो । विभिन्न अमेरिकी समाचार माध्यमहरुका अनुसार प् हजार भन्दा बढी अन्तराष्ट्र्रिय विधार्थीकाृे भिषा रद्द गरिएको थियो । जसमा आधा भन्दा बढी भारतीय रहेको बताइएको छ ।
न्यायाधीशले सरकारलाई शुक्रबारको अन्त्यसम्म नयाँ नीतिको कानुनी प्रभावसहितको व्याख्या अदालतमा बुझाउन आदेश दिएका छन् । सुनुवाइमा संलग्न सबै मुद्दादाताहरूलाई १४ दिने अस्थायी निषेध आदेश दिइएको छ, जसले उनीहरूलाई डिपोर्ट वा अन्य कानुनी दण्डबाट बचाउनेछ ।
यसबाट अमेरिकामा सेभिज भिषा रद्द गरिएका करिब डेढ सय नेपाली विधार्थी पनि लाभान्वित हुनेछन । मुद्दादाताहरूका एक वकिल मार्क एल भ्यान डर हाउटका अनुसार यो नयाँ नीति प्रत्यक्ष रूपमा अमेरिकी जिल्ला न्यायाधीश जेफ्री एस. व्हाइटको आदेशपछि आएको प्रतिक्रिया दिएका छन । उनले शुक्रबारको ओकल्यान्ड सुनुवाइमा अध्यक्षता गरेका थिए ।
यो वर्ष अहिलेसम्म १ हजार ५ सय भन्दा बढी अन्तर्राष्ट्रिय विद्यार्थीहरूले भिषा सेभिज रद्द अनुमान छ । देशव्यापी रूपमा, अहिलेसम्म २१ राज्यहरूमा ७० भन्दा बढी मुद्दाहरू दायर भइसकेका छन् ।
