राजधानी दोहामा बुधबार साँझ आयोजित सीएसआर समिटका अवसरमा सीएसआर प्रमुख सैफ अलि अलहजरीको हातबाट यासमिनले अवार्ड ग्रहण गरिन् । कतारका प्रधानमन्त्री तथा विदेशमन्त्री मोहम्मद बिन अब्दुलरहमान बिन जासिम अल थानीको संरक्षणमा कतार विश्वविद्यालयलगायतले यो पुरस्कार वितरण गर्छ ।

सीएसआर अवार्ड कतारको सामाजिक क्षेत्रमा योगदान पुर्‍याउने कम्पनी तथा संस्थाहरूलाई प्रदान गरिन्छ । योसँगै यासमिनको कम्पनी सीएसआर अवार्ड प्राप्त गर्ने पहिलो नेपाली स्वामित्वको संस्था बनेको छ । यासमिनको कम्पनीले कतारमा रहेका नेपालसहित भारत, फिलिपिन्स, श्रीलंका, अफ्रिकालगायतका देशका विभिन्न क्षेत्रमा कार्यरत कामदारलाई सशुल्क तथा नि:शुल्क रूपमा सिपमूलक र वृत्ति विकासका लागि तामिल प्रदान गर्ने काम गर्दै आएको छ ।