अमेरिकी गृह सुरक्षा विभागकी प्रमुख क्रिस्टी नोएमले ७ मेदेखि लागू हुने अपडेट गरिएको परिचय प्रणाली (रियल आईडि) नभए पनि यात्रा गर्न पाईने तर धेरै निगरानी र खानतलासीको सामाना गर्नुपर्ने बताएकी छिन । प्रमुख नोएकमका अनुसार प्रयोगमा आए पनि पनि रियल आईडि नभएकाहरुलाई उडानका क्रममा सुरक्षा निकायले धेरै खानतलासी र निगरानी गर्नेछ । नोएमले हालसम्म ८१% यात्रुहरूसँग रियल आईडी लिईसकेको बताईन । “तर मानिसहरूलाई उडान गर्न दिइनेछ,“ नोएमले थपिन् । “हामी यसलाई सकेसम्म सहज बनाउन सुनिश्चित गर्नेछौं ।“ उनले भनिन् कि चेकप्वाइन्टहरूले पासपोर्ट र परिचयपत्रहरूलाई पनि स्वीकार गर्नेछन् ।
रियल आईडि भनेको राज्यद्वारा जारी गरिएको चालक अनुमतिपत्र वा परिचयपत्र हो, जुन गृह सुरक्षा विभागका अनुसार अझ सुरक्षित पहिचानको माध्यम हो । यो नयाँ परिचयपत्र केही संघीय भवनहरू तथा सुविधाहरूमा प्रवेशका लागि पनि आवश्यक हुनेछ । रियल आईडि नभएकाहरुले आफ्नो पासपोर्ट तथा सोसल सेक्यूरिटी कार्ड लिएर यात्रा गर्नु पर्नेछ ।
हाल ९-११ आयोगले सिफारिस गरेको र २००५ मा कानुनमा हस्ताक्षर गरिएको प्रणालीको कार्यान्वयन बारम्बार ढिलाइ हुँदै आएको छ । सन् २०२२ मा यो प्रणालीलाई कोभिड–१९ का बाँकी प्रभावहरूलाई सम्बोधन गर्न पुनः स्थगित गरिएको थियो, तर (यातायात सुरक्षा प्रशासन) ले गत महिनाबाट यो प्रणाली अन्ततः ७ मेमा लागू गर्न निर्देशन दिएको हो । जसले “नक्कली परिचयपत्र बनाउन कठिन बनाउने, र अपराधी तथा आतङ्ककारीहरूलाई रोक्ने” लक्ष्य राखेको छ ।
गृह सुरक्षा विभागले सुरुमा भनेको थियो कि ७ मेको समयसीमा पार भएपछि यात्रुहरूलाई नयाँ स्वीकृत वैकल्पिक परिचयपत्र बिना आन्तरिक हवाई यात्रा गर्न दिइने छैन, तर पनि यात्रा गर्न दिईने तर धेरै छानवीनको झण्झट लिनुपर्ने छ ।
