टेक्सासको ह्युष्टनमा हत्या भएकी २१ बर्षकी नेपाली विद्यार्थी मुना पाण्डेलाई गोली हानी हत्या गर्ने संदिग्ध व्यक्तिको फोटो प्रहरीले सार्वजनिक गरेको छ । तर हत्याराको पुर्ण पहिचान भने नखुलेको प्रहरीले जनाएको छ । सार्वजनिक गरिएका फोटो अनुसार हत्यामा संलग्न हुनसक्ने आशंका गरिएको भनिएको मृतककी प्रेमीको नभएको बताइएको छ ।
सीटीटिभी फुटेजबाट लिइएको फोटो अनुशार ती व्यक्ति अगस्त २४ शनिबार राती ९ बजेर ४८ मिनेटमा मुना बसी रहेकी घरमा पुगेको देखाइएको छ । हत्यामा संलग्नलाई प्रहरीले पक्राउ गर्न सकेको छैन । प्रहरीले मृतकको प्रेमिका भनिएका व्यक्तिमाथी पनि अनुसन्धान शुरु गरेको बताइएको छ ।
मुना पाण्डे सोमबार साँझ गोली लागेको अवस्थामा अपार्टमेन्टमा भेटिएपछि प्रहरीलाई खबर गरिएको थियो । सोमबार बेलुका ५ बजेर ३५ मिनेटमा प्रहरी घटनास्थलमा पुग्दा उनलाई मृत अवस्थामा भेटाएको बताइएको छ । ह्युस्टन प्रहरीले विज्ञप्ती जारी गर्दै गस्ती अधिकारीहरूले पीडितलाई अपार्टमेन्टभित्र तीन वटा बन्दुकको गोली लागेको भेट्टाएको बताएको छ । प्रहरीका अनुसार मृतकलाई शरीरको माथिल्लो भागहरुमा गोली गरेको देखिएको छ । हत्याराले ओछ्यानमा नै हत्या गरिएको रगतको डोबहरुबाट देख्न सकिन्छ ।
