देशको एक मात्र चालु हालतमा रहेको राजधानी काठमाडौंस्थित त्रिभुवन अन्तर्राष्ट्रिय विमानस्थल दैनिक १० घण्टा बन्द छ भन्दा कतिपयलाई विश्वास नलाग्न सक्दछ । हो, अहिले तपाई वा तपाई कोही आफन्तहरु विदेशबाट नेपाल आउँदै वा जाँदैै छन भने टिकटको मुल्य हेर्नुस कति आकासिएको छ । कारण नयाँ बर्ष वा क्रिशमसको नाममा मात्रै होईन, नेपाल जाने सबै समयको टिकट किन्न सक्ने अवस्थामा छैन । एक मात्र कारण हो त्रिभुवन अन्तर्राष्ट्रिय विमानस्थल दैनिक १० घण्टा बन्द हुनु । मर्मतका नाममा राति १० देखि बिहान ८ बजेसम्म उडान बन्द गरिएको छ । विगतमा विमानस्थल मर्मतका लागि पनि ५, ६ घण्टाभन्दा बढी बन्द भएको ईतिहास नै छैन । तर यो सरकार पर्यटक आउने सिजनमा कसको स्वार्थमा प्रतिदिन १० घण्टा एयरपोर्ट बन्द गराएर कस्को लागि काम गरिरहेको छ ? एउटा चालु हालतको विमानस्थल त्यो पनि १० घण्टा बन्द हुने भएपछि यतिखेर त्यसको फाईदा नेपाल जाने उडानहरु भारत केन्द्रित भएका छन । सयौका कारण नेपाल जाने चाहाना भएकाहरु नेपाली हुन वा पर्यटकले आफ्नो गन्तव्य बदल्न थालेका छन । यसबाट मुलुकको राजस्व उठौतिमा गंभीर असर देखिने निश्चित छ ।
अझ अचममको कुरा त यो २,४ हप्ताको लागि होईन, यो क्रम ५ महिनासम्म रहने अर्थात चैत्रसम्म जारी रहने बताइएको छ । यसरी एयरपोर्ट बन्द गर्दा देशको पर्यटन क्षेत्रलाई निकै ठुलो घाटा निश्चित छ । यति हामो समय एयरपोर्ट बन्द गर्नमा पर्यटन तथा संस्कृति मन्त्री बद्री पाण्डे, सचिव गणेश पाण्डे र नागरिक उड्डयन प्राधिकरणका महानिर्देशक प्रदिप अधिकारीको नियत के हो ? सम्बन्धित सारोकारवाला निकायले जवाफ दिनु पर्दछ ।
मर्मतका नाममा त्रिभुवन विमानस्थल बन्द गरे पनि अन्तराष्ट्रिय उडान भर्ने सम्पुर्ण तयारी भएको भैरहवा र पोखरालाई किन पुर्ण रुपमा सन्चालन नगरेको ? त्यसो हुँदा पनि केहि राहात हुनसक्दथ्यो तर यसले गर्दा सर्वसाधारणको लागि विदेशयात्रा कति महँगो भइरहेको छ ? सरकारले जवाफ दिनु पर्दैन ?
विमानस्थलको रनवे समानान्तर हुने गरी ट्याक्सी–वे तथा एक्जिट ट्याक्सी–वे, अन्तर्राष्ट्रिय तथा आन्तरिक विमान पार्किङ एप्रोन बनाउने गुरुयोजना भएको भनिए पनि अहिले भने ट्याक्सी–वे मर्मत सुधारमात्रै गर्न ठेकेदारसँग सम्झौता गरिएको छ । करिब चार अर्ब रुपैयाँको लगानीमा मर्मत कार्य अघि बढाइएको हो । यात्रुको चाप बढी हवाई उडान कम भएपछि स्वभाविक रुपमा भाडामा वृद्धि हुने हुन्छ र अहिले भई रहेको त्यहि हो । । उडान प्रभावित नहोस् भनेर नागरिक उड्डयन प्राधिकरणले ५,६ घण्टा मात्रै एयरपोर्ट बन्द गर्ने हो भने पनि चाप कम हुने र भाडा दर पनि धेरै फरक पर्ने थिएन । आखिर नेपालमा जे हुन्छ कमिसन र स्वार्थका लागि हुने गरेको छ । आखिर कस्को स्वर्थमा मुलुकलाई यति ठुलो घाटा लगाउँदैछन ? उडान तालिका व्यवस्थापन गर्न नसक्दा सयौ अन्तर्राष्ट्रिय उडानहरु प्रभावित भएका छन । सयौ उडानहरु स्थगित समेत गरिएको एयरलायन्स कम्पनीहरुले जनाएका छन ।
