राष्ट्रपति डोनाल्ड ट्रम्प प्रशासनले ५ लाख ३० हजार क्यूबन, हैटीयन, निकारागुआ र भेनेजुएलाका नागरिकहरूको अमेरिकामा अस्थायी कानूनी स्थिति रद्द गर्दै अमेरिका छोड्न आदेश गरेको छ । शुक्रबार जारी फेडरल रजिष्टर नोटिस अनुसार, जसले आप्रवासनमा कडाइ बढाउने उनका ताजा कदमलाई अझै अनुदार बन्दै गएको जनाउँछ । यो सुचना अनुसार यो निर्णय २४ अप्रिलदेखि लागू हुनेछ ।
यस कदमले पूर्वराष्ट्रपति जो बाइडेनले अस्थायी अनुमति दिएका आप्रवासीलाई छोट्याइरहेको छ, जसले उनीहरूलाई अमेरिकी प्रायोजक भएमा हवाई मार्गबाट अमेरिका प्रवेश गर्न अनुमति दिएको थियो । रिपब्लिकन पार्टीका ट्रम्पले कार्यभार सम्हालेपछि आप्रवासन प्रवर्तनलाई कडा बनाउन कदम चाल्न थालेका थिए, जसमा गैरकानूनी रूपमा अमेरिका प्रवेश गरेका आप्रवासीहरूको अभूतपूर्व संख्या फिर्ता पठाउने प्रयास समावेश थियो । उनले आफ्नो डेमोक्रेटिक पूर्ववर्तीको नेतृत्वमा शुरू गरिएका कानूनी प्रवेश पेरोल कार्यक्रमहरू संघीय कानूनी सीमा पार गरेको दाबी गरेका थिए र २० जनवरीको कार्यकारी आदेशमा तिनीहरूको समाप्ति माग गरेका थिए ।
ट्रम्पले ६ मार्चमा भने कि उनी “छिट्टै“ निर्णय गर्नेछन् कि रुससँगको संघर्षको दौरान अमेरिकामा आएका लगभग २ लाख ४० हजार युक्रेनी नागरिकहरूको पेरोल स्थिति खारेज गर्ने कि नगर्ने सोची रहेको बताएका छन । ट्रम्पको यो भनाइ रोयटर्स रिपोर्टमा समाचार छापिएको छ । ट्रम्पको प्रशासन अप्रिल महिनामा युक्रेनीहरूको पेरोल स्थिति रद्द गर्ने योजना बनाएको बताईन्छ ।
बाइडेनले २०२२ मा भेनेजुएलाका नागरिकहरूको लागि प्रवेश कार्यक्रम सुरू गरेका थिए र २०२३ मा क्यूबन, हैटीयन र निकारागुआका नागरिकहरूलाई यसमा समावेश गरेका थिए, जब उनका प्रशासनले ती देशहरूबाट उच्च स्तरको अवैध आप्रवासनको सामना गर्दै थियो । ती चार देशहरूको र अमेरिकासँगको कूटनीतिक र राजनीतिक सम्बन्ध तनावपूर्ण रहेको छ । नयाँ कानूनी मार्गहरू बाइडेनको प्रयासको हिस्सा थिए, जसले अमेरिकाको मेक्सिको सीमा क्षेत्रमा अवैध प्रवेशमा कडाइ गर्न खोजेका थिए । ट्रम्प प्रशासनको आधिकारिक निर्णयले आधा मिलियन आप्रवासीहरूको कानूनी स्थिति खारेज गरेपछि, यदि तिनीहरूले अमेरिका नै बस्ने निर्णय गरे भने, उनीहरू डिपोर्टेशनको जोखिममा पर्न सक्नेछन् । अहिले स्पष्ट छैन कि प्रवेश गरेका कति व्यक्तिहरूसँग अर्को कुनै सुरक्षा या कानूनी स्थिति छ कि छैन । सुचान अनुसार अमेरिका नछोडिएका पक्राउ गर्दै डिर्पोट गरिने उल्लेख छ ।
