अमेरिकी सरकारले परिवारमा आधारित ग्रिनकार्ड वा आप्रवासी भिसा स्पोन्सरका लागि स्पोन्सरकर्ताको आम्दानी बढाएको युएससीआईएसले जनाएको छ । महंगी तथा गतबर्षको तुलनामा २ दशमलव ९ प्रतिशतले बृद्धि गरिएको हो । यसै महिनादेखि लागु हुनेगरी युएससीआईएसले स्पोन्सरकर्ताको आम्दानीको मापदण्ड बढाएको बताएको छ ।
डिपार्टमेन्ट अफ हेल्थ एण्ड ह्युमन सर्भिसले पोभर्टी गाइडलाइन अनुसार झण्डै डेढ महिनापछि आम्दानीको मापदण्ड बृद्धि गरेको घोषणा गरेको हो ।
यस अगाडि अलास्का र हवाई बाहेक ४८ राज्यमा बस्नेहरुका सन्दर्भमा यदि स्पोन्सरकर्ताले कसैलाई स्पोन्सर गर्नुपर्ने भएमा उसको बार्षिक आम्दानी कम्तीमा २५ हजार ५ सय ५० डलर भन्दा माथि हुनुपर्ने प्रावधान रहेकोमा अब युएससीआईएसले यो रकम २६ हजार ४ सय ३७ डलर भन्दा बढी हुनुपर्ने प्रावधान ल्याएको छ ।
