अमेरिकाको पेंन्सिल्भेनियामा पक्राउ परेका २० जनामध्ये चार जना ग्रीनकार्ड भएका नेपाली भाषी भुटानीहरु अमेरिकी आप्रवासन र सीमा शुल्क प्रवर्तन आइसद्वारा पक्राउपछि डिर्पोट गरिएको समाचार छ । ती चार जना पुरुषहरू डिर्पोर्ट प्रक्रिया अनुसार हालै भारतको नयाँ दिल्लीमा अवतरण गरिसकेका र त्यहाँबाट भुटानस्थित पारो विमानस्थलमा लैजाने बताइएको छ । अमेरिकी सन्चारमाध्यमका अनुसार भुटानी समुदायका नेता तिलक निरौलालाई कोड गरिएको समाचारमा डिपोर्ट भएको पुष्टि गरिएको छ ।
डिर्पोट अघि उनिहरुलाई परिवारसंग छोटो भेटको व्यवस्था गरिएको बताइएको डब्लुआईटिएफ डट ओआरजीले उल्ले गरेको छ । सो अनलाईनमा डिर्पोट भएका चार जना शरणार्थीहरू भुटानमा जन्मिएका थिए । आईसको रेकर्ड अनुसार, ल्होत्सम्पा समुदायको सदस्यहरूलाई १९८० र १९९० को दशकमा भुटानको सरकारद्वारा जातीय सफाया अभियानको भागको रूपमा देशबाट बाहिर निकालिएको थियो । भुटानको न्यूयोर्कमा कन्सुलेट भए पनि, उनले तीनवटा इमेल र पाँचवटा फोन कलहरूको कुनै जवाफ दिएका थिएनन । जसमा शरणार्थीहरूको भुटान पुग्दा कसरी व्यवहार गरिनेछ भन्ने प्रश्नहरूप्रति नेपाली भाषी भुटानी चिन्तित भएका छन । डिपोर्ट भएकाहरु विभिन्न अपराधिब गतिविधिमा संलग्न भएर सजाय काटी सकेका व्यक्ति भएको बताइएको छ ।
पेंसिल्भेनियामा भुटानी शरणार्थीहरूको संख्या ७०,००० भन्दा बढी पुगेको छ, र तिनीहरूको एक ठूलो संख्यामध्ये पेंसिल्भेनियामा बसोबास गर्दैछन् । आइसका अनुसार, १२ जना भुटानी शरणार्थीहरू पक्राउ परेकोमा कम्तिमा ८ जनाले निर्वासन आदेश प्राप्त गरेको बताइएको छ । नेपाली भाषी भुटानी तथा स्थानीय अमेरिकी राजनीतिज्ञहरुले डिपोर्ट नगर्न र जस्तो सुकै कारबाही यहि अमेरिकी भुमिमा भोग्न परे तयार भन्दै विभिन्न भागहरु राखे पनि सफल भएनन । उनिहरु भुटानबाट लखेटिएपछि नेपालको झापामा बस्दै आएका थिए र त्यहि बाट अमेरिका आएका हुन ।
