एभरेस्ट फेडरल क्रेडिट युनियनले गत आज आफ्नो पहिलो डेबिट कार्ड अर्थात् नगद पत्र सार्वजनिक गरेको छ। यो पत्र (कार्ड)ले सदस्यहरूलाई पैसा चलाउनको साथै अझ धेरै सुविधा दिनेछ । यसले नेपाली समुदायका सदस्यहरूको आर्थिक पहुँच बढाउनेछ। यो क्रेडिट युनियनको लागि एउटा ठूलो र महत्त्वपूर्ण पाइला हो।
एभरेस्ट फेडरल क्रेडिट युनियनका प्रमुख कार्यकारी अधिकारी (सीईओ ) सुमन राज तिम्सिना हुन् । उनले छापा विज्ञप्ति जारी गर्दै संक्षिप्त परिचयको साथै महत्वपूर्ण जानकारी छापा बिज्ञप्तिमा उल्लेख गरेका छन् । प्रमुख कार्यकारी अधिकारी तिम्सिना सक्रिय सामुदायिक नेता तथा केही संस्थाहरुको नेतृत्व समेत गरि सकेका छन् । उनि नेपाली समुदायको लागि साँच्चै सेवा गर्ने सेवक हुन् । उनले उक्त बिज्ञप्तिमा माउन्ट एभरेस्ट अर्थात् सगरमाथाको सुन्दर चित्र अंकित यो नयाँ डेबिट कार्ड(नगद पत्र) केवल पैसा तिर्ने माध्यम मात्र होइन, यो इएफसियु आफ्नो समुदायप्रति कति समर्पित छ भन्ने कुराको प्रतीक पनि भनि ध्यानाकर्षण गराएका छन् ।
उनले छापा बिज्ञप्तिमा मै यो डेबिट कार्डको सुरुवात इएफसियुको सदस्यहरूलाई राम्रो बैंकिङ सुविधा दिने निरन्तर प्रयासको महत्त्वपूर्ण हिस्सा हो। यसले सदस्यहरूलाई उनीहरूको बचत वा चेकिङ खाताबाट सजिलै पैसा निकाल्न र दैनिक लेनदेन सरल बनाउन मद्दत गर्छ। अझ राम्रो कुरा इएफसियुको धेरै चमेनागृह , किराना पसल र अन्य व्यवसायहरूसँग मिलेर आफ्ना कार्डवाहकहरूलाई विशेष छुटहरू दिने व्यवस्था पनि गरेको उल्लेख गरिएको छ ।
इएफसियुको मुख्य उद्देश्य आफ्ना सदस्यहरूको आर्थिक साथी बन्नु हो, जसले उनीहरूको हरेक आवश्यकता पूरा गर्न विभिन्न प्रकारका सेवाहरू प्रदान गर्दछ।
बिज्ञप्तिमा थप लेखिएको छ ,यस क्रेडिट युनियनमा बचत खाता, चेकिङ खाता, सीडी, आईआरए र विद्यार्थी बचत खाताहरू जस्ता विभिन्न निक्षेप खाताहरू उपलब्ध छन्। यसका ऋण उत्पादनहरू पनि सदस्यहरूलाई उनीहरूको लक्ष्य हासिल गर्न मद्दत पुर्याउनका लागि बनाइएका छन् । इएफसियुमा नयाँ क्रेडिट बनाउन चाहने वा कम क्रेडिट भएका व्यक्तिहरूका लागि ऋण, असुरक्षित र सुरक्षित ऋण, सवारी साधन ऋण, व्यवसाय सुरु गर्ने ऋण र घरको लागि ऋण पनि पर्छन्।
