अमेरिकी समय अनुसार आईतबार साँझ भारतीय प्रधानमन्त्री नरेन्द्र मोदीसँग प्रधानमन्त्रि केपी ओलीको भेटघाट सम्पन्न भएको छ । भेटवार्ताबारे प्रतिक्रिया दिंदै परराष्ट्रमन्त्रि डा आरजु देउवा राणाले अत्यन्तै सकारात्मक भन्दै प्रधानमन्त्रि मोदी नेपाल भ्रमण गर्ने बताउनु भयो । भेटवार्तामा प्रधानमन्त्रि ओलीले भारत भ्रमणको निम्तो दिएको र मोदीले उपयूक्त समयमा नेपालको भ्रमण गर्ने प्रतिवद्धता प्रकट गरेको बताइएको छ । भेटवार्तामा दूई पक्षिय सहकार्य विकास र सार्कको गतिरोधका विषयमा समेत वार्ता भएको समाचार श्रोतले बताएको छ । प्रधानमन्त्रि ओली र परराष्ट्रमन्त्रि देउवाको आजै न्यूयोर्कमा नेपाली संघसस्थाहरुले गर्ने संयूक्त कार्यक्रम भने स्थगित गरिएको छ ।
भारतीय प्रधानमन्त्री मोदीसँग न्युयोर्कमा नेपालका प्रधानमन्त्री ओली न्युयोर्कमा शुक्रबार राति उत्रनु केही घन्टाअघि भारतीय पक्षले मोदी द्विपक्षीय भेटवार्ताको लागि तयार गरेको सन्देश दिएको थियो । चौथो पटक ओली प्रधानमन्त्री भएपछि भारतीय प्रधानमन्त्री मोदीसँग पहिलो भेटवार्ता हो । भारतीय पक्षले प्रधानमन्त्री ओलीको अघिल्लो कार्यकालमा शुरु गरेको चुच्चे नक्साका कारण केहि धुमिल भएको कुटनीति यस पटक प्रधानमन्त्रि हुँदासम्म सुधार हुन सकेको थिएन । आजको भेटमा त्यो विषयमा के कुराकानी भयो भन्ने प्रष्ट भएको छैन।
मोदीसँग भेटवार्ता हुने भएपछि नेपाली पक्षले त्यसको लागि आवश्यक गृहकार्य शुरु गरेको थियो । दुई प्रधानमन्त्रीबीच भेटवार्ता गराउनको लागि नेपाली पक्षले विभिन्न तहबाट परराष्ट्रमन्त्री आरजु राणा देउवादेखि न्युयोर्कस्थित राष्ट्र संघका लागि नेपाली प्रतिनिधि लोकबहादुर थापा तथा नयाँ दिल्लीस्थित नेपाली दूतावासलाई पनि परिचालन गरिएको थियो । भेटवार्तामा दुवै देशका परराष्ट्रमन्त्रिहरुको सहभागीता थियो ।
