कतार एयरवेजले अमेरिकी कम्पनी बोइङसँग १५० विमान खरिद गर्ने सम्झौता गरेको घोषणा गर्न लागेको छ । साउदी अरबीयामा भएको ठुलो संझौतापछि राष्ट्रपति ट्रम्प बुधबार स्थानीय समयअनुसार दिउँसो साउदी अरेबियाबाट कतर जाने कार्यक्रम छ । जहाँ उनले औपचारिक राजकीय भ्रमणमा भाग लिनेछन् र त्यसको केही घण्टापछि राजकीय भोजमा सहभागी हुनेछन् । त्यसको पुर्वसन्धामा कतारले ठुलो सख्यामा विमान किन्ने घोषणा गरेर ट्रम्पको भ्रमणलाई अत्यधिक सफल बनाउनेछ ।

बोइङको वाईडबडी विमानको लागि कतारको सम्झौताले थप विमान खरिद गर्ने विकल्प पनि समावेश गर्नेछ, जसको बारेमा ब्लूमबर्गले यस महिनाको सुरुमा रिपोर्ट गरेको थियो । यो ट्रम्प प्रशासनको कतारजस्ता राष्ट्रहरूलाई अमेरिकी निर्माण क्षेत्रमा लगानी गर्न प्रोत्साहित गर्ने प्रयाससँग मेल खान्छ । कतार सरकारले अमेरिकी सरकारलाई एक विलासी बोइङ ७४७ उपहार दिने योजना बनाएको छ, जुन नयाँ एयर फोर्स वनको रूपमा प्रयोग गरिनेछ । यो विवादास्पद कदम ट्रम्पले हालसालै बाचा गरेका छन् ।