अमेरिका, क्यानडा र मेक्सिकोमा जारी फिफा विश्वकप २०२६ अहिले नकआउट चरणको निर्णायक मोडमा पुगेको छ। पहिलो पटक ४८ राष्ट्र सहभागी भएको यस विश्वकपमा समूह चरण र राउन्ड अफ ३२ पूरा भइसकेको छ भने अब सेमिफाइनलका प्रतिस्पर्धा सम्पन्न भएर उपाधि भिडन्तको अन्तिम तयारी भइरहेको छ। यस विश्वकपमा परम्परागत शक्तिशाली टोलीहरूसँगै केही नयाँ टोलीले पनि उत्कृष्ट प्रदर्शन गर्दै समर्थकलाई चकित पारेका छन्। प्रतियोगितामा धेरै रोमाञ्चक खेल, अप्रत्याशित नतिजा र अन्तिम मिनेटका गोलहरूले विश्वभरका फुटबल समर्थकको ध्यान तानेका छन्।
प्रतियोगितासँगै केही विवाद पनि देखिएका छन्। खेल सञ्चालन, रेफ्री निर्णय, अत्यधिक गर्मीका कारण खेलबीच अनिवार्य ुहाइड्रेसन ब्रेकु, तथा विश्वकप फाइनलमा पहिलोपटक हुने ुहाफटाइम शोु सम्बन्धी निर्णयले फुटबल जगतमा व्यापक बहस सिर्जना गरेको छ। यस संस्करण विश्वकप १०४ खेलसहित इतिहासकै सबैभन्दा ठूलो विश्वकप हो। अमेरिका, क्यानडा र मेक्सिकोका विभिन्न रंगशालामा लाखौं दर्शकको उपस्थितिसँगै प्रतियोगिताले व्यावसायिक र दर्शक सहभागिताका नयाँ कीर्तिमान पनि बनाएको छ।
विश्वकप अब उपाधि निर्धारणको अन्तिम चरणमा पुगेको छ, जहाँ विश्व फुटबलका उत्कृष्ट टोलीहरूबीच विश्व च्याम्पियन बन्ने प्रतिस्पर्धा हुनेछ । हालसम्म भएका खेलहरूमा गोलकर्ताहरूको प्रभावशाली प्रदर्शनले प्रतियोगितालाई थप रोमाञ्चक बनाएको छ। हालसम्म सेमिफाइनलमा स्थान बनाउने पहिलो टोली फ्रान्स बनेको छ। फ्रान्सले क्वार्टरफाइनलमा मोरक्कोलाई २–० ले पराजित गर्दै लगातार तेस्रो विश्वकप सेमिफाइनलमा स्थान सुरक्षित गरेको हो। कप्तान किलियन एम्बाप्पेले दोस्रो हाफको ६०औँ मिनेटमा उत्कृष्ट गोल गर्दै टोलीलाई अग्रता दिलाए भने त्यसको छ मिनेटपछि उस्मान डेम्बेलेले अर्को गोल थप्दै जित सुनिश्चित गरे। यससँगै एम्बाप्पे प्रतियोगिताका सर्वाधिक गोलकर्तामध्ये एक बनेका छन्।
फ्रान्सको सेमिफाइनल यात्रा बलियो आक्रमणसँगै उत्कृष्ट रक्षापंक्तिमा आधारित देखिएको छ। नकआउट चरणमा टोलीले विपक्षीलाई गोल गर्ने अवसर निकै कम दिएको छ, जसले उपाधि दाबेदारका रूपमा उसको दाबी अझ बलियो बनाएको छ। अन्य क्वार्टरफाइनल खेलहरूमा स्पेन–बेल्जियम, नर्वे–इङ्ग्ल्यान्ड तथा अर्जेन्टिना–स्विट्जरल्यान्डबीच प्रतिस्पर्धा हुँदैछ। यी खेलबाट विजयी हुने टोलीहरूले सेमिफाइनलमा स्थान बनाउनेछन्। स्पेन र बेल्जियम दुवैले नकआउट चरणमा प्रभावशाली प्रदर्शन गरेका छन् भने इङ्ग्ल्यान्ड र नर्वेबीचको भिडन्तलाई अत्यन्त प्रतिस्पर्धात्मक मानिएको छ। अर्जेन्टिना पनि आफ्नो आक्रामक खेलमार्फत उपाधि यात्रालाई निरन्तरता दिने लक्ष्यमा छ।
यस विश्वकपमा गोलकर्ताहरूले निर्णायक भूमिका खेलेका छन्। एम्बाप्पे, लियोनेल मेस्सीलगायत स्टार खेलाडीहरू गोल तालिकाको शीर्ष स्थानका लागि प्रतिस्पर्धामा छन्। धेरै खेलहरू अन्तिम मिनेटसम्म रोमाञ्चक बनेका छन्, जसका कारण प्रतियोगिताले विश्वभरका फुटबल समर्थकको ध्यान आकर्षित गरिरहेको छ। विश्वकपको सेमिफाइनल जुलाई १४ र १५ मा हुनेछ भने फाइनल जुलाई १९ मा आयोजना हुनेछ। बाँकी क्वार्टरफाइनल खेलहरूको नतिजापछि अन्तिम चार टोलीको पूर्ण चित्र स्पष्ट हुनेछ।
