अमेरिकी राष्ट्रपति डोनाल्ड ट्रम्पले जारी गरेको कार्यकारी आदेशपछि अबैध आप्रवासी खोजी अभियान तिब्र पार्ने क्रममा हाईवे वा साना चार लेनका सडकमा समेत आकस्मिक जाँच गर्दै पक्राउ गर्न थालिएको छ । असंगठित क्षेत्रमा काम गरिरहेका खेती, माछा पालन क्षेत्र, बढी अबैध आप्रवासी बस्ने वा कागजात नभएकाहरु काम गर्ने क्षेत्र खोजी खोजी छापा हानिएका छन । त्यसैगरी नर्थ क्यारोलिना, टेक्सास, न्यूयोर्क, क्यालिफोनिया, ओहायो, मेरिल्याण्डबाट प्राप्त जानकारी अनुसार बढी आप्रवासी बस्ने क्षेत्रहरुमा सडकहरुका आकस्मिक चेकजाँच गर्दै पक्राउ अभियान तिब्र पारिएका छन । समान्यतय ठुलो दुर्घटना वा घटना घटेका बेला मात्रै त्यसरी रोड नै अवरुद्ध गरेर चेक जाँच गरिन्थ्यो तर अहिले सबैतिर आकस्मिक सडक जाँच गरेर पक्राउ गर्न थालिएको हो ।
यसरी चेक जाँचको क्रममा एटलान्टा र ह्युस्टनमा केहि नेपाली विधार्थी पक्राउ परेको बताइए पनि पुष्टि हुन सकेको छैन । पक्राउपछि संपुर्ण सन्चारबाट बन्चित गरिने हुँदा को कहाँबाट कहिले पक्राउ परेको भन्ने विषयमा पर्याप्त जानकारी प्राप्त हुन सकेको छैन । नेपाली समुदायका मानिसहरु विधार्थी वा अन्य कागजात नभएकाहरुलाई कसरी मद्दत गर्ने भन्ने विषयमा कुनै निक्र्यौलमा नेपाली समुदायका अगुवाहरु पनि अन्यौलमा छन । केहि कानुन व्यवसायीहरुले भने आफ्नो आईडी साथ लिन सुझाएका छन । तर पनि पक्राउ परेकाहरुको विषयमा कुनै सरोकारवाला निकायले जानकारी नदिए पछि उनिहरुलाई सहयोग गर्न कठिन भैरहेको छ ।
राष्ट्रपतिको कार्यभार सम्हालेपछि जारी कार्यकारी आदेशको आधारमा अबैध आप्रवासीमाथी चलाएको धरपकड र पक्राउ अभियानका कारण विधार्थीहरु काममा जान छाडेका छन । पक्राउसंगै कागजात नभेटिएका र अपराधिक गतिविधिमा संलग्नहरु द्रुत गतिमा डिर्पोटेसन गर्न थालीएपछि डराएर विधार्थीहरु काममा जान छोडेका छन भने व्यापार संचालकहरुले पनि केहि समय घरमै बस्न भन्दै विधार्थी र अन्य कामदारहलाई अनिश्चित समयका लागि विदा दिएका छन ।
अमेरिकामा रहेका ग्यास स्टेसन र रेष्टुरेन्टहरुमा झण्डै ३० प्रतिशत कामदारहरु कागजात नभएका वा विधार्थीहरु काम गरी रहेको बताइन्छ । ट्रम्प प्रशासनले सेन्चुरी राज्य वा सिटीलाई पहिलो निसाना बनाएका छन । ती सन्चुरी सिटीहरुमा ट्रम्पको धरपकडका कारण स्थानीय प्रशासनको डरले ग्यास स्टेसन वा रेष्टुरेन्टहरुमा ग्राहकको आगमन नै कम हुन थालेका छन । खास गरी शहरी क्षेत्रमा धरपकटको कारण व्यापारमा असर परेको बताइन थालेको छ । असंगठित क्षेत्रमा काम गर्ने मान्छे अभाव भएकोले उत्पादन खर्च बढी रहेको बताइएको छ । जसका कारण ग्रोसरीका सामानमा महंगी शुरु भएको छ ।
हरुले असहयोग गरिरहेको बताइएको छ । धरपकड तिव्र बनाएका कारण व्यापार सन्चालकहरुले जसरी यस अघि कागजात नभएका कामदारहरुलाई काममा लगाएका थिए उनिहरु काममा जान छोडेको र सन्चालहरुले नै बाध्यतावस केहि समय विदामा बस्न भन्दै कामदारहरुलाई अनिश्चित समयका लागि घर बस्न भनेका छन । जसबाट भारतीय, चाईनिज, नेपाली बंगाली, भियतनामिज, पाकिस्तानी मेक्सिकन, लगायत सन्चालक रहेका व्यापारहरुमा प्रत्यक्ष असर पर्न थालेको छ । कानुन व्यवसायीहरुले पनि यस्तो अवस्थामा विधार्थीहरुलाई आफ्नो स्टाटस जोगाउन सुझाव दिएका छन ।
